مقامی میڈیا رپورٹ کے مطابق حکومت نے افراط زر کے رجحانات میں دوبارہ اضافے کی پیش گوئی کی ہے اور 26۔2025کے بجٹ میں سی پی آئی پر مبنی افراط زر کی اوسط شرح 7.5 فیصد تک رہنے کی پیش گوئی کی ہے، جو رواں مالی سال میں ریکارڈ کیے گئے 5 فیصد سے نمایاں اضافہ ہے۔
رپورٹ کے مطابق دریں اثنا وزارت منصوبہ بندی نے متنبہ کیا ہے کہ بیرونی شعبہ دباؤ کا شکار ہوسکتا ہے کیونکہ درآمدی پابندیوں میں نرمی اور قرضوں کی ادائیگی سے آئندہ بجٹ میں کرنٹ اکاؤنٹ خسارے میں اضافہ متوقع ہے۔
سالانہ پلان کوآرڈینیشن کمیٹی (اے پی سی سی) کا اجلاس 2 جون 2025 کو ہونے والا ہے جس میں آئندہ بجٹ کے لیے مجموعی میکرو اکنامک فریم ورک کی سفارش کرنے پر غور کیا جائے گا، جس میں آئندہ بجٹ کے لیے جی ڈی پی کی شرح نمو 4.2 فیصد مقرر کرنا بھی شامل ہے جبکہ رواں مالی سال کے لیے یہ شرح 2.68 فیصد ہے۔
یہ میکرو اکنامک تخمینے ظاہر کرتے ہیں کہ آئی ایم ایف کے سخت پھندے کے نیچے آنے والے مالی سال میں استحکام کا موڈ جاری رہے گا۔
حکومتی تجاویز کے مطابق سرکاری سرمایہ کاری 2.9 فیصد سے بڑھ کر 3.2 فیصد ہونے کا امکان ہے۔ اسی طرح نجی سرمایہ کاری بھی جی ڈی پی کے 9.1 فیصد سے بڑھ کر 9.8 فیصد ہونے کا امکان ہے۔
انہوں نے کہا کہ مالیاتی اور مانیٹری پالیسیوں کا مقصد استحکام ہے جس میں کم بنیادی اثرات اور جاری تجارتی تناؤ کے خطرے اور گھریلو ٹیرف کو معقول بنانے کے اقدامات کی وجہ سے متوقع افراط زر 7.5 فیصد تک پہنچ جائے گا۔
بیرونی شعبے کو دباؤ کا سامنا کرنا پڑ سکتا ہے کیونکہ درآمدی کنٹرول اور قرضوں کی ادائیگی میں نرمی سے کرنٹ اکاؤنٹ خسارے میں اضافے کا امکان ہے۔ اس کے باوجود مضبوط ترسیلات زر، برآمدات کی بحالی اور متوقع بیرونی فنانسنگ سے ان دباؤ کو کم کرنے اور بیرونی استحکام میں مدد ملنے کی توقع ہے۔
افراط زر کو نچلی سطح پر رکھنے کے لیے بنیادی اثر آئندہ مالی سال سے غائب ہونے جا رہا ہے، جس سے سی پی آئی پر مبنی اوسط افراط زر میں اضافہ ہوگا اور 26۔2025 میں 7.5 فیصد پر برقرار رہے گا۔
اس سے ظاہر ہوتا ہے کہ افراط زر اگلے مالی سال میں جولائی 2025 سے جون 2026 تک برقرار رہے گا لیکن سنگل ڈیجٹ کے اندر رہے گا۔ ماہانہ بنیاد پر، یہ کچھ معاملات میں ڈبل ڈیجٹ ہوسکتا ہے۔
By 
