ملک کے مختلف شہروں میں سیمنٹ کی قیمت میں ملا جلا رجحان، کہیں سستا تو کہیں مہنگا

ملک کے مختلف شہروں میں سیمنٹ کی قیمت میں ملا جلا رجحان۔ کئی شہروں میں قیمت میں اضافہ کئی میں کمی ہو گئی۔

ادارہ شماریات کے اعداد و شمار کے مطابق 29 مئی کو ختم ہونے والے ہفتے میں ملک کے شمالی شہروں میں سیمنٹ کی فی بوری کی اوسط ریٹیل قیمت 1408 روپے ریکارڈ کی گئی جو پیوستہ ہفتے کے مقابلے میں 0.34 فیصد کم ہے۔

پیوستہ ہفتے میں ملک کے شمالی شہروں میں سیمنٹ کی فی بوری کی اوسط ریٹیل قیمت 1413 روپے ریکارڈ تھی۔ اسی طرح 29 مئی کو ختم ہونے والے ہفتے میں ملک کے جنوبی شہروں میں سیمنٹ کی فی بوری کی اوسط ریٹیل قیمت 1437 روپے ریکارڈ کی گئی جو پیوستہ ہفتے کے مقابلے میں 0.60 فیصد زیادہ ہے۔

سونے کی قیمت قابو سے باہر، نرخ مزید بڑھ گئے

29 مئی کو ختم ہونے والے ہفتے میں اسلام آباد میں سیمنٹ کی فی بوری کی اوسط قیمت 1380، راولپنڈی میں 1383، گوجرانوالہ میں 1430، سیالکوٹ میں 1420، لاہور میں  1464، فیصل آباد میں 1400 اور سرگودھا میں 1400 روپے رہی۔

ملتان میں سیمنٹ کی فی بوری 1416 روپے، بہاولپورمیں 1440، پشاور میں 1402 اور بنوں میں  قیمت 1350 روپے ریکارڈ کی گئی۔

کراچی میں سیمنٹ کی فی بوری کی اوسط قیمت 1360 روپے ، حیدر آباد میں 1400 روپے، سکھر میں 1550 روپے، لاڑکانہ میں 1416 روپے، کوئٹہ میں 1450 روپے اور خضدار میں سیمنٹ کی بوری کی اوسط قیمت 1443 روپے رہی۔