زمین کی سطح پر کیا ہو رہا ہے؟، سائنسدانوں نے انسانی زندگی کو لاحق بڑے خطرے سے آگاہ کردیا

سائنسدانوں نے ماحول میں کاربن کی سطح 430.2 پی پی ایم تک پہنچنے پر موسمیاتی تبدیلیوں کے بڑھتے ہوئے سنگین نتائج سے خبردار کیا ہے۔

یونیورسٹی آف کیلیفورنیا، سان ڈیاگو کے اسکریپس انسٹی ٹیوٹ آف اوشنوگرافی کے محققین کی جانب سے جاری کردہ نئے اعداد و شمار کے مطابق زمین کی فضا میں کاربن ڈائی آکسائیڈ (سی او اے) کا ارتکاز بڑھ کر 430.2 پارٹس فی ملین (پی پی ایم) تک پہنچ گیا ہے جو کہ لاکھوں سالوں میں ریکارڈ کی گئی بلند ترین سطح ہے۔

یہ بھی پڑھیں:فضائی آلودگی سے سر اور گردن میں کینسر ہونے کا انکشاف

 یہ پیمائش فضا میں واقع نیشنل اوشیانک اینڈ ایٹموسفیئر ایڈمنسٹریشن (این او اے اے) کی مونا لوا آبزرویٹری میں کی گئی، جو فضائی کاربن ڈائی آکسائیڈ کا سراغ لگانے کے لیے عالمی سطح پر تسلیم شدہ معیار ہے۔

نئے اعداد و شمار گزشتہ سال کے مقابلے میں 3.5 پی پی ایم کے اضافے کی عکاسی کرتے ہیں، جو مئی 2024 میں 426.7 پی پی ایم سے بڑھ رہے ہیں۔

ماحولیات سے متعلق سائنسدانوں نے طویل عرصے سے متنبہ کیا ہے کہ گرین ہاؤس گیسوں کے اخراج میں اضافے کے پیچھے فوسل ایندھن پر مسلسل انحصار بنیادی محرک ہے۔ ان کا کہنا ہے کہ تازہ ترین مطالعہ اس بات کا ایک اور ثبوت ہے کہ دنیا اپنے فضائی آلودگی سے نمٹنے کے اپنے وعدوں سے پیچھے ہٹ رہی ہے۔

 سکریپس انسٹی ٹیوٹ کے ایک ترجمان نے کہا کہ ’انسانیت نے کم از کم 3 سے 5 ملین سالوں میں فضا میں کاربن ڈائی آکسائیڈ کی اس سطح کو نہیں دیکھا ہے۔ ’ہم ایک نامعلوم اور خوفناک صورت حال میں داخل ہو رہے ہیں‘۔

سائنسدانوں نے متنبہ کیا ہے کہ کاربن ڈائی آکسائیڈ کا تیزی سے بڑھتا ہوا ارتکاز پہلے ہی دنیا بھر میں شدید موسمی تبدیلیوں کو بڑھا رہا ہے۔ شدید گرمی اور طویل خشک سالی سے لے کر موسلا دھار بارش اور بڑے پیمانے پر سیلاب تک، اس کے اثرات شدید ہوتے جا رہے ہیں۔

مزید پڑھیں:فضائی آلودگی سے نمٹنے کیلئے اسلام آباد میں دفعہ 144 نافذ

 زمین پر آب و ہوا میں خلل کے علاوہ، کاربن ڈائی آکسائیڈ کی بڑھتی ہوئی سطح سمندر وں کے پانی کو بھی تیزابیت سے آلودہ کر رہی ہے – جو گرین ہاؤس گیسوں کے اخراج کا ایک کم معروف لیکن اتنا ہی سنگین نتیجہ ہے۔ تیزابیت سمندری حیاتیات جیسے مرجان، شیل فش اور پلینکٹن کی اپنے حفاظتی خول اور ہڈیاں بنانے کی صلاحیت کو متاثر کرتی ہے، جس سے پورے ماحولیاتی نظام کو خطرہ لاحق ہوجاتا ہے۔

اگرچہ مونا لوا آبزرویٹری عالمی ماحولیاتی کاربن ڈائی آکسائیڈ کے بارے میں سب سے مستقل طویل مدتی اعداد و شمار پیش کرتی ہے ، لیکن اس میں علاقائی تغیرات شامل نہیں ہیں۔ مثال کے طور پر، جنوبی نصف کرہ میں جہاں موسمی چکر شمال کے مقابلے میں الٹا کام کرتے ہیں، کچھ مانیٹرنگ اسٹیشنوں نے ابھی تک 430 پی پی ایم کی حد کو عبور نہیں کیا ہے۔

تازہ ترین اعداد و شمار کے مضمرات نے فوری اور منصفانہ موسمیاتی تبدیلیوں سے نمٹنے کے اقدامات کے مطالبے کو ایک بار پھر دہرایا ہے۔ آستانہ انٹرنیشنل فورم کے دوران ایک حالیہ پینل سیشن میں، پالیسی سازوں اور آب و ہوا کے ماہرین نے اخراج کو کم کرنے کے لیے عالمی کوششوں کو تیز کرنے کے طریقوں پر تبادلہ خیال کیاہے، جس میں ترقی یافتہ اور ترقی پذیر دونوں ممالک میں جامع حکمت عملی کی ضرورت پر زور دیا گیا ہے۔

 برسوں کے انتباہ اور بڑھتے ہوئے ثبوتوں کے باوجود، عالمی اخراج میں اضافہ جاری ہے۔ ماہرین کا کہنا ہے کہ اگر فوسل فیول کے استعمال کو کم کرنے اور صاف توانائی کے ذرائع میں منتقلی کے لیے فوری اقدامات نہیں کیے گئے تو زمین مزید عدم استحکام کی راہ پر گامزن ہو گی۔

یہ بھی پڑھیں:فضائی آلودگی سے نمٹنے کیلئے اسلام آباد میں دفعہ 144 نافذ

یہ نتائج ایک ایسے وقت سامنے آئے ہیں جب جنوبی ایشیا اور ذیلی صحرائے افریقہ کے کچھ حصوں سمیت متعدد خطے غیر یقینی موسمی پیٹرن اور بڑھتی ہوئے غذائی عدم تحفظ سے دوچار ہیں ۔

 ایک ایسے وقت جب عالمی رہنما آئندہ سی او پی 30 سربراہ اجلاس کی تیاری کر رہے ہیں، سائنسدانوں کو امید ہے کہ تازہ ترین اعداد و شمار پالیسی سازوں اور عوام کے لیے خطرے کی گھنٹی ثابت ہوں گے۔