پیٹرولیم مصنوعات کی قیمتوں میں 5 روپے تک اضافہ متوقع

پیٹرولیم مصنوعات کی قیمتوں میں 5 روپے تک اضافہ متوقع

  پیٹرولیم مصنوعات کی قیمتوں میں 5 روپے تک کا اضافہ متوقع ہے۔

عالمی منڈی میں خام تیل کی قیمتوں میں مسلسل اضافے اور روپے کی قدر میں اتار چڑھاؤ جاری ہے جس کے  باعث حکومت نے پیٹرولیم مصنوعات کی قیمتوں میں ممکنہ اضافے پر غور شروع کر دیا ہے۔

ابتدائی ورکنگ پیپرمیں 16 جون سے پیٹرولیم مصنوعات کی قیمتوں میں اضافہ تجویز کیا گیا ہے، پیٹرول کی قیمت میں ایک روپیہ 12 پیسے اور ڈیزل کے نرخ میں 5 روپے 27 پیسے فی لیٹر اضافہ تجویز کیا گیا ہے۔

یہ بھی پڑھیں : حکومت کا پٹرول پمپس پر پٹرول اور ڈیزل کی چوری روکنے کے لیے منفرد اقدام

 ہائی اسپیڈ ڈیزل کی قیمت میں 5 روپے 27 پیسے فی لٹر اضافے کی تجویز دی گئی ہے، جس کے بعد نئی قیمت 254.64 روپے سے بڑھ کر 259.91 روپے ہو جائے گی۔

 پیٹرول، جو کہ عوام میں سب سے زیادہ استعمال ہونے والی مصنوعات میں شامل ہے اور جس کا بڑھنا ہر عام آدمی کو متاثر کرتا ہے، اس کی قیمت 1 روپے 12 پیسے فی لیٹر بڑھنے کا امکان ہے ، جس سے نئی قیمت 254.75 روپے فی لیٹر ہو سکتی ہے ۔

یہ بھی پڑھیں :حکومت نے پیٹرولیم مصنوعات پر کاربن لیوی لگانے کی تیاری کر لی

اسی طرح مٹی کے تیل کی قیمت میں 4 روپے 16 پیسے اور لائٹ ڈیزل آئل میں 4 روپے 13 پیسے فی لیٹر اضافے کی سفارش کی گئی ہے ۔

نئی قیمتیں 16 جون سے نافذ العمل ہوں گی اور 15 روز کے لیے مؤثر رہیں گی، جس کے بعد ایک بار پھر عالمی نرخوں کے مطابق قیمتوں پر نظرثانی کی جائے گی۔

پیٹرولیم مصنوعات کی قیمتوں میں ردوبدل کا حتمی  فیصلہ وزارت خزانہ وزیراعظم شہبازشریف کی منظوری سے کرے گا۔

اقتصادی ماہرین کا کہنا ہے کہ برینٹ خام تیل کی قیمت 83 ڈالر فی بیرل سے تجاوز کر چکی ہے ، جس کے مقامی منڈی پر اثرات پڑ رہے ہیں۔

علاوہ ازیں، حکومت کی جانب سے آئی ایم ایف معاہدے کے تحت پیٹرولیم لیوی میں بھی اضافہ کیا گیا ہے ، جس سے قیمتوں پر مزید دباؤ بڑھا ہے ۔

editor

Related Articles

Leave a Reply

Your email address will not be published. Required fields are marked *