سگما ریلز خارجہ پالیسی کا نیا ورژن ، سوشل میڈیا پر بھارتی وزیر خارجہ کا مذاق بن گیا

بھارتی وزیر خارجہ ایس جے شنکر کو اس وقت سوشل میڈیا پر لیزر لائٹس اورڈرامائی موسیقی سے بھری  ایڈیٹ سگما ریلز ویڈیوز پر شدید تنقید کا سامنا ہے۔

بھارتی عوام اپنے وزیر خارجہ کو ویڈیو میں کالا چشمہ پہن کر “کول ” نظر آنے کی کوشش کو آڑے ہاتھوں لیتے کہتے نظر آتے ہیں کہ بس یہ سگما ریلز ہی ان کی خارجہ پالیسی ہے ۔

یہ سگما ریلز اس کے بجائے سوشل میڈیا پلیٹ فارمز پر میم کے مواد میں تبدیل ہو گئی ہیں، خود ہندوستانی شہری اسے قابل ذکر قرار دیتے ہیں۔

یہ کلپ سنجیدہ سفارت کاری سے زیادہ ایک “سگما میل” سے  مشابہت رکھتا ہے جوکہ وزیر کو سیاستدان کے بجائے ایک ایکشن ہیرو کی طرح دکھاتا ہے، سوشل میڈیا پر بہت سے لوگ پوچھ رہے ہیں کہ کیا ہندوستان کی خارجہ پالیسی کو عہدیداروں کے بجائے اثر و رسوخ رکھنے والے ہینڈل کررہے ہیں ؟ ایک بھارتی صارف نے خاصا ناراضگی کا اظہار کرتے لکھا کہ “غیر ملکی سرزمین پر سیاہ چشمہ کے ساتھ چلنا اب خارجہ پالیسی ہے۔” ۔

بھارتی عوام کا سوشل میڈیا پر یہ ردعمل عالمی سطح پر حکومت کی سفارتی کارکردگی پر بھارت کے اندر بڑھتی ہوئی مایوسی کی عکاسی کرتا ہے۔

اس کے برعکس حالیہ بھارت پاکستان تنازع میں پاکستان کو چین، ترکی اور دیگر جیسے اتحادیوں کی طرف سے واضح اور عوامی حمایت حاصل ہوئی ہے، ان ممالک نے کھل کر پاکستان کے موقف کی حمایت کی ہے، جبکہ بھارت کا  ڈرامہ  نہ صرف دنیا میں بے نقاب ہوا بلکہ سفارتی طور پر تنہا بھی ہوا ۔

بھارت اپنے متعدد غیر ملکی دوروں اور عوامی رابطہ مہم کے باوجود کسی بڑے اتحادی سے اس طرح کی کھلی حمایت حاصل کرنے میں کامیاب نہیں ہو سکا اور بھارتی عوام ان دوروں پر خرچ ہونیوالی رقم پر بھی تنقید کرتے نظر آتے ہیں ۔

یہ بھی پڑھیں : ساری دنیا نے منہ موڑ لیا ! مودی کی ناکام سفارتی پالیسیوں پر بھارتی میڈیا کی چیخیں

معروف بھارتی یوٹیوبر دھرو راٹھی نے بھی  جے شنکر کے سفارتی انداز کا مذاق اڑاتے ہوئے کہا کہ غیر ملکی سرزمین پر کالے چشمے میں گھومنا اب ہندوستان کی خارجہ پالیسی کا ورژن بن گیا ہے۔

 انہوں نے بھارتی وزیرخارجہ پر تنقید کی کہ کس طرح سنجیدہ سفارت کاری کے بجائے فوٹو سیشنز، ڈرامائی داخلوں اور پبلک امیج بنانے پر زیادہ توجہ مرکوز کی جاتی ہے۔

Walking with Black chasma on foreign soil is now foreign policy.

– Dhruv Rathee 🤣pic.twitter.com/tRZANLBvVU

— 🚨Indian Gems (@IndianGems_) June 19, 2025

اس سے قبل بھارتی رکن کانگریس رکن پارلیمنٹ مہوا موئترا نے سابق امریکی صدر ڈونلڈ ٹرمپ کے حالیہ بیان کے بعد وزیر اعظم نریندر مودی کی خارجہ پالیسی پر کڑی تنقید کرتے ہوئے اسے مکمل ناکامی قرار دیا ہے۔

ٹرمپ نے ایک تقریب سے خطاب کرتے ہوئے مبینہ طور پرکہا کہ میں پاکستان سے پیار کرتا ہوں، میں نے پاکستان اور بھارت کے درمیان جنگ روک دی،  ان کے یہ بیانات تیزی سے وائرل ہوگئے، جس سے پورا بھارت تلملا اٹھا اور عوام میں بحث چھڑ گئی۔

مہوا موئترا نے ٹویٹ کرکے مودی کی خاموشی اور پاکستان سے متعلق ان کی حکومت کی خارجہ پالیسی کے فیصلوں کی ساکھ پر سوال اٹھایا۔

ایک بھارتی صارف نے دھرو راٹھی کی بات سے اتفاق کرتے ہوئے کہا کہ میں دھرو راٹھی سے نفرت کرتا تھا لیکن اب اس کی باتوں سے متفق ہوں ایک اور صارف کا کہنا تھا کہ  ہماری خارجہ پالیسی واقعی تباہ کن ہے۔ ہمارے نا اہل لوگ کام نہیں کر رہے صرف پی آر اسٹنٹ کر رہے ہیں۔