او آئی سی اجلاس میں نائب وزیر اعظم اور فیلڈ مارشل کی ترک صدر سے ملاقات

او آئی سی وزرائے خارجہ کے اجلاس میں نائب وزیراعظم اور فیلڈ مارشل عاصم منیر کی ترکیہ کے صدر سے اہم ملاقات ہوئی۔

نجی ٹی وی  کے مطابق نائب وزیراعظم و وزیر خارجہ نے فیلڈ مارشل سید عاصم منیر کے ہمراہ اسلامی تعاون تنظیم کے وزرائے خارجہ کونسل کے 51 ویں اجلاس کے موقع پر ترک صدر رجب طیب اردوان سے ملاقات کی۔

ترجمان دفترخارجہ کا کہنا تھا کہ کے مطابق ملاقات کے دوران نائب وزیراعظم و وزیر خارجہ نے وزیراعظم شہباز شریف کی طرف سے صدر اردوان کے لیے نیک خواہشات اور گرمجوشی پر مبنی پیغام پہنچایا، اس موقع پر پاکستان و ترکی کے درمیان مضبوط اور برادرانہ تعلقات کی اہمیت پر زور دیا۔

پانی پر چھیڑ چھاڑ پر بھارت کو 10 مئی سے 4 گنا بڑا جواب ملے گا، سینئر صحافی جبار چودھری

دونوں رہنماؤں نے دو طرفہ تعاون کو مزید گہرا اور مضبوط بنانے کے عزم کا اعادہ کیا جبکہ بین الاقوامی قانون کی کھلی خلاف ورزیوں پر مبنی اسرائیلی حملوں کی سخت مذمت ایران کی خودمختاری، علاقائی سالمیت اور اقوام متحدہ کے منشور کے تحت اس کے دفاع کے حق کی مکمل حمایت کا اعادہ کیا۔

دونوں رہنماؤں نے کشیدگی میں کمی کے لیے سفارتی کوششیں جاری رکھنے پر اتفاق کیا اور عالمی برادری سے مطالبہ کیا کہ وہ خطے میں امن و استحکام کی بحالی کے لیے کردار ادا کرے۔

نائب وزیر اعظم و وزیر خارجہ نے صدر ایردوان کو او آئی سی وزرائے خارجہ اجلاس کے کامیاب انعقاد اور اسلامی تعاون تنظیم یوتھ فورم کی جانب سے ان کی قیادت کو سراہنے پر دیے گئے ایوارڈ پر مبارکباد پیش کی۔