نیویارک میں منتخب جنوبی ایشیائی عہدیداران کا نریندر مودی کے دورے پر شدید ردعمل

ویب ڈیسک ۔ بھارتی وزیرِ اعظم نریندر مودی کے نیویارک سٹی کے دورے پر ردعمل دیتے ہوئے نیویارک ریاست اور سٹی کے منتخب جنوبی ایشیائی نمائندگان، اسمبلی ممبر زوہران مامدانی، اور سٹی کونسل ممبران شہانہ حنیف اور شیکھر کرشنن نے ایک مشترکہ بیان جاری کیا۔

بیان میں کہا گیاکہ ہم، جو نیویارک سٹی اور اسٹیٹ کی تاریخ میں منتخب ہونے والے پہلے جنوبی ایشیائی نمائندوں میں شامل ہیں، وزیرِ اعظم نریندر مودی کے ہمارے شہر کے دورے پر سخت تشویش اور صدمے کا اظہار کرتے ہیں۔

جاری کردہ بیان میں کہا گیا ہے کہ مودی کا بطور وزیراعلیٰ گجرات ریکارڈ، جہاں انہوں نے مسلمانوں کے خلاف مہلک فسادات کو ہوا دی، سے لے کر بطور وزیرِ اعظم اُن کے اقدامات، جن میں مظاہرین کو جیل بھیجنا، صحافیوں پر سنسرشپ مسلط کرنا، اور مذہبی اقلیتوں کو بھارت کے شہری اور ثقافتی ڈھانچے سے مٹانے کی کوشش شامل ہے، وہ ملک کو ایک سیکولر جمہوریت سے ایک دائیں بازو کی ہندو قوم پرست ریاست میں تبدیل کر رہے ہیں۔

As three of the first South Asians ever elected to New York City and State government, @voteshekar, @ShahanaFromBK and I are appalled by the visit of Prime Minister Narendra Modi to our city.⁰⁰

Our statement: pic.twitter.com/bKCA0trbSn

— Zohran Kwame Mamdani (@ZohranKMamdani) June 21, 2023

یہ بھی پڑھیں: وزیراعظم اور سعودی سفیر کے درمیان ٹیلیفونک رابطہ، قطر میں امریکی فوجی اڈے پر ایرانی میزائل حملے پر شدید تشویش کا اظہار

زوہران مامدانی، شہانہ حنیف اور شیکھر کرشنن کی جانب سے 20 جون 2023 کو جاری کئے گئے بیان میں مزید کہا گیا کہ بھارتی وزیرِ اعظم مودی کی جابرانہ اور غیرمنصفانہ پالیسیاں ان تمام اقدار کے منافی ہیں جنہیں نیویارک سٹی عزیز رکھتا ہے۔ ہم اپنے ساتھی نیویارک کے شہریوں اور اس عظیم شہر کے منتخب نمائندوں سے اپیل کرتے ہیں کہ وہ اس دورے کی مذمت میں ہمارے ساتھ شامل ہوں۔