بھارتی میڈیا کا ایک اور دعویٰ جھوٹا نکلا، ایران کی القدس فورس کے چیف کمانڈر جنرل اسماعیل قانی منظر عام پر آگئے

ایران کے پاسداران انقلاب کی قدس فورس کے کمانڈر بریگیڈیئر جنرل اسماعیل قانی اسرائیل اور بھارتی میڈیا کی جانب سے شہید کیے جانے کے دعوؤں کے باوجود تہران میں فتح کے جشن کے دوران دوبارہ نمودار ہوئے ہیں۔

یہ بھی پڑھیں:ایران کے نئے میزائل حملے، اسرائیلی فوج کے کمانڈ، انٹیلیجنس ہیڈکوارٹرز نشانہ

ایران کی فارس نیوز ایجنسی کی جانب سے لی گئی اور الجزیرہ عربی کی جانب سے شیئر کی گئی ایک ویڈیو کلپ میں دیکھا جا سکتا ہے کہ جنرل اسماعیل قانی کی شکل کا ایک شخص ایرانی دارالحکومت کے مرکزی علاقے میں ایک ریلی کے دوران متعدد افراد سے بات چیت کر رہا ہے۔

قائد فيلق القدس التابع للحرس الثوري الإيراني يظهر في احتفالات وسط طهران بعد مزاعم اغتياله بهجمات إسرائيلية، وهو الظهور الثاني له عقب شائعات مماثلة العام الماضي pic.twitter.com/vzPxzSqs4v

— قناة الجزيرة (@AJArabic) June 26, 2025

ایران کے سرکاری نشریاتی ادارے پریس ٹی وی کی جانب سے پوسٹ کی گئی اسی طرح کی ایک ویڈیو میں شہید کمانڈر قاسم سلیمانی جو 2020 میں عراق میں امریکی حملے میں شہید ہوئے تھے،کے جانشین اسماعیل قانی کو بھی دکھایا گیا ہے۔

مزید پڑھیں:اسرائیل کا امریکہ کو مدد کیلئے پکارنا کمزوری کی علامت ہے، آیت اللہ خامنہ ای

اسرائیل کے دعویٰ  کے بعد بھارتی میڈیا نے کہا تھا کہ 13 جون کو اسرائیلی حملے میں ایران کے اعلیٰ ترین فوجی رہنماؤں کو نشانہ بنایا گیا اور ان اسرائیلی حملوں میں ایران کی القدس فورس کے چیف کمانڈر جنرل اسماعیل قانی کو بھی شہید کر دیا گیا ہے۔

ایرانی حکومت نے اسرائیلی رپورٹ کی تصدیق کی تھی اور نہ ہی تردید کی تھی، اس سے قبل یہ بھی بتایا گیا تھا کہ اسماعیل قانی 2024 میں لبنان میں اسرائیلی حملے کے دوران حزب اللہ کے عہدیداروں کے ساتھ مارے گئے تھے۔