خود کفیل بھارت کی قلعی کھل گئی، چین نے بھارت کو خصوصی کھاد کی ترسیل روک دی، کھیت سنسان

چین نے بھارت کو خصوصی کھاد کی ترسیل روک دی جس کے بعد خود کفیل بھارت کی قلعی کھل گئی ہے،نایاب معدنیات پر پابندی کے بعد چین نے اب بھارت کو کھادوں کی ترسیل بھی روک دی ہے ۔

خود انحصاری کے دعویدار بھارت کی چینی کھاد کے بغیر زراعت مفلوج ،بھارت کی قیمتی فصلیں چینی کھاد کے بغیر بے یار و مددگار ہیں۔

دی اکنامک ٹائمز آف انڈیا کے مطابق چین نے گزشتہ دو ماہ سےبھارت کو خصوصی کھاد کی ترسیل بند کر دی ہے جبکہ چین دیگر ممالک کو ان کھادوں کی ترسیل جاری رکھے ہوئے ہے۔

یہ خبر بھی پڑھیں :بھارت اسرائیل گٹھ جوڑ بے نقاب، خطے کی سائبرسیکورٹی کو شدید خطرات لاحق

دی اکنامک ٹائمز آف انڈیا کی رپورٹ کے مطابق پھلوں و سبزیوں کی فصلوں کے لیےبھارت کا 80 فیصد خصوصی کھاد کا انحصار چین پر ہے، خصوصی کھادیں فصلوں کی پیداوار ، مٹی کی صحت اور غذائی اجزاء کے استعمال کو بہتر بناتی ہیں۔

چین بھارت کو براہِ راست پابندی کے بغیر مختلف طریقوں سے برآمدات روک رہا ہے، سرحدی کشیدگیوں اور بھارتی تجارتی پابندیوں کے ردعمل میں چین نے کھادوں کی برآمدات روکی ہیں۔

یاد رہے کہ بھارت کے پاس خصوصی کھادیں بنانے کی ٹیکنالوجی نہیں ہے،بھارت چین سے جون سے دسمبر تک 1.6 لاکھ ٹن خصوصی کھادیں درآمد کرتا ہے۔

چین کی لگائی گئی پابندیوں نے بھارت کو غذائی عدم تحفظ کے دہانے پر لا کھڑا کردیا مودی سرکار کے آتم نربھر بھارت اور خود انحصاری کے نعرے محض سیاسی تماشہ ہیں۔