ایک رپورٹ کے مطابق گزشتہ 20 ماہ میں اسرائیل کے حملے غزہ سمیت مشرق وسطیٰ کے دیگر ممالک تک بڑھ گئے۔
گزشتہ 20 ماہ کے دوران اسرائیل کے فضائی اور ڈرون حملوں کا دائرہ صرف فلسطینی علاقوں تک محدود نہیں رہا بلکہ اس میں خطے کے دیگر ممالک بھی شامل ہو گئے ہیں ، ان حملوں نے مشرقِ وسطیٰ میں کشیدگی میں اضافے اور بین الاقوامی قوانین کے حوالے سے تشویش کو جنم دیا ہے۔
امریکی غیر سرکاری تنظیم کے مطابق اسرائیل نے لبنان، شام، یمن اور ایران پر حملے کیے، اسرائیل نے غزہ اور مقبوضہ مغربی کنارے میں سب سے زیادہ 18 ہزار سے زائد حملے کیے۔
ان حملوں میں 56 ہزار فلسطینی شہید، 1 لاکھ 31 ہزار سے زائد زخمی ہوئے۔
رپورٹ کے مطابق لبنان میں 15 ہزار سے زائد اسرائیلی حملوں میں ڈیرھ ہزار سے زائد افراد شہید ہوئے۔
فلسطینی حکام کا کہنا ہے کہ شہریوں کے خلاف قحط کو بطور ہتھیار استعمال کیا جانا اور یہ جاری محاصرے ایک جنگی جرم ہیں۔
بیان میں مزید کہا گیا ہے کہ بچوں کے خلاف کیے جانے والے جرائم پر عالمی برادری کا خاموش رہنا شرمناک ہے، یہاں بچے بھوک اور بیماریوں کا شکار ہوکر مر رہے ہیں۔
By 
