بھارتی کسانوں میں خودکشیاں بڑھنے لگیں، مہاراشٹرا میں تین ماہ میں 767 اموات

بھارتی ریاست مہاراشٹرا میں کسانوں کی خودکشی کے بڑھتے ہوئے بحران پر ایک افسوسناک انکشاف سامنے آیا ہے جس میں  مہاراشٹرا حکومت نے اعتراف کیا ہے کہ سال 2025 کے صرف پہلے تین مہینوں (جنوری سے مارچ) کے دوران ریاست میں 767 کسانوں نے موت کو گلے لگا لیا۔

ریاستی ریلیف و بحالی کے وزیر مکرند جاڈھو-پاتل نے مہاراشٹرا قانون ساز کونسل میں بتایا کہ 200 کیسز کو نااہل قرار دیا گیا، جبکہ 194 کیسز پر تحقیقات جاری ہیں ، حکومت کی 2006 کی ایک قرارداد کے مطابق، خودکشی کرنے والے کسانوں کے اہل خانہ کو ایک لاکھ روپے معاوضہ دیا جاتا ہے، لیکن اس اسکیم کی رقم میں اب تک کوئی اضافہ نہیں کیا گیا۔

وزیر نے بتایا کہ 373 اہل کیسز میں سے صرف 327 خاندانوں کو اب تک یہ رقم ادا کی گئی ہے، جبکہ باقی خاندان ابھی بھی ادائیگی کے منتظر ہیں۔

حقیقت یہ ہے کہ یہ رقم 2006 سے اب تک جوں کی توں برقرار ہے، باوجود اس کے کہ کسانوں کے بحران کی شدت میں مسلسل اضافہ ہو رہا ہے۔

In the first 3 months of 2025, 767 farmers committed suicide in Maharashtra.

This figure is very shocking, which describes the plight of farmers under the Modi government.

In BJP government 👇

• Farmers are burdened with heavy debt
• They are facing financial difficulties
•… pic.twitter.com/RF13aopOeM

— Anindya Das 🇮🇳 (@AnindyaDas1) July 2, 2025

ودربھ اور مراٹھواڑہ خطے سب سے زیادہ متاثر

ان خودکشیوں کا بڑا حصہ ودربھ کے علاقے سے سامنے آیا، جو طویل عرصے سے زرعی بحران کا مرکز رہا ہے ، ضلع یوتمل، امراؤتی، اکولا، بلندانہ، اور واشم میں جنوری سے مارچ کے دوران 257 کسانوں نے خودکشی کی ، ان میں سے صرف 76 کیسز کو معاوضے کے لیے اہل قرار دیا گیا، اور اب تک 71 خاندانوں کو رقم فراہم کی جا چکی ہے۔

مراٹھواڑہ کے ہنگولی ضلع میں، جنوری سے مئی 2025 کے دوران 24 کسانوں نے خودکشی کی۔

’مدد کی اسکیمیں‘ خودکشیوں کو روکنے میں ناکام

اپوزیشن کے سخت سوالات اور معاوضوں میں تاخیر پر تنقید کا سامنا کرنیوالی حکومت نے دعویٰ کیا ہے کہ وہ اس بحران سے نمٹنے کے لیے اقدامات کر رہی ہے۔

وزیر مکرند جاڈھو-پاتل نے کہا کہ ان کا محکمہ دیگر محکموں کے ساتھ مل کر مربوط انداز میں کام کر رہا ہے۔

انہوں نے مرکز کی پردھان منتری کسان سمّان ندھی (PM-Kisan) اسکیم کے تحت سالانہ 6,000 روپے اور ریاستی “شتکاری مہا سنمان فنڈ” کے تحت اضافی 6,000 روپے کی امداد کو کسانوں کی مدد کے طور پر پیش کیا۔

یہ بھی پڑھیں:شیوسینا کے رہنما بھی مودی سرکار کی ناکام خارجہ پالیسی کے خلاف بول پڑے

تاہم، ماہانہ صرف 1,000 روپے کی یہ معمولی رقم کسانوں کو خودکشی سے روکنے میں ناکام رہی ہے، اور ہر سال خودکشیوں کی تعداد بڑھتی جا رہی ہے۔

سرکاری اعداد و شمار کے مطابق، سال 2024 میں 2,635 کسانوں نے خودکشی کی، جبکہ 2023 میں یہ تعداد 2,851 تھی۔

انشورنس اور انفرا اسٹرکچر ابھی بھی ناکافی

منگل کے روز ایک علیحدہ بیان میں، زراعت کے وزیر منیکراؤ کوکاٹے نے فصل انشورنس اسکیم میں تبدیلیوں کا اعلان کیا ، نئی اسکیم کے تحت اب معاوضہ فصل کی کٹائی کے وقت ہونے والے نقصان کی بنیاد پر دیا جائے گا، اور وہ علاقے جہاں بیجائی ہی نہیں ہوئی، انشورنس کے دائرے میں نہیں آئیں گے۔

کوکاٹے کے مطابق، اس نئے ماڈل سے حکومت کو 5,000 کروڑ روپے کی بچت ہوگی، کیونکہ اب صرف 700 کروڑ روپے پریمیم کی مد میں ادا کیے جائیں گے۔

ذہنی صحت اور آبپاشی سے متعلق اقدامات ناکافی

تنقید نگاروں کا کہنا ہے کہ حکومت کے یہ اقدامات مسئلے کی شدت کے مقابلے میں نہایت کمزور اور ناکافی ہیں ، جبکہ کسانوں کی خودکشیوں کی تعداد بڑھتی جا رہی ہے، مودی حکومت کے دیہی ترقی اور کسانوں کو بااختیار بنانے کے دعوے زمین پر سچائی سے کوسوں دور نظر آتے ہیں۔

767 Farmers Committed Suicide in just three months And Meagre Compensation To The Families

Is This What Our Annadatas Deserve..?#KisanOfIndia #kisan pic.twitter.com/NyGJ2LFtPm

— PRITI SINGH (@Pritisingh_INC) July 2, 2025

یہ تلخ حقیقت عوام کی نظر سے اوجھل نہیں رہی ، کئی سوشل میڈیا صارفین نے اپنا غم و غصہ ظاہر کیا ہے، اور کسانوں کی زندگیوں کے ساتھ بے حسی برتنے پر شدید ناراضی کا اظہار کیا ہے۔

Sad & shocked to know that From January to March, 767 farmers have committed suicide in Maharashtra.
What happened to the promise of doubling farmers’ income? Just another jumla! @narendramodi

While our farmers commit suicide, Modi is travelling around the world! pic.twitter.com/ICGfdYZYQ7

— Dr. Shama Mohamed (@drshamamohd) July 2, 2025

Stark reality.
Farmer from Latur in drought prone Marathwada region instead of bulls, he was compelled to drive the plough on his own shoulder to complete the tiller between 2 sown crop lane. Maharashtra govt report reveals 767 distressed farmer committed suicide in 3 months. pic.twitter.com/B99dFJrWDQ

— Sudhir Suryawanshi (@ss_suryawanshi) July 2, 2025

 کسان بھارت کی معیشت کی ریڑھ کی ہڈی ہیں۔ وہ نہ صرف ملک کی مجموعی گھریلو پیداوار (GDP) میں نمایاں حصہ ڈالتے ہیں بلکہ روزگار، دیہی ترقی، اور غذائی تحفظ کو یقینی بنانے میں بھی کلیدی کردار ادا کرتے ہیں۔

یہ بھی پڑھیں :مودی حکومت کی خارجہ پالیسی نعروں تک محدود، بھارت عالمی سطح پر تنہائی کا شکار

کسانوں کا کردار صرف خوراک پیدا کرنے تک محدود نہیں بلکہ وہ بھارت کی ثقافتی وراثت اور اقتصادی استحکام میں بھی اہم ہیں۔

لیکن اس کے باوجود، مودی حکومت ان کو مستحکم اور محفوظ حالات فراہم کرنے میں ناکام رہی ہے ، بھارت نہ صرف خارجہ پالیسی اور سفارت کاری میں ناکام رہا ہے بلکہ اپنے کسانوں کے ساتھ بھی انصاف نہیں کر سکا۔