آزاد فیکٹ چیک، رافیل طیارے کے حوالے سے چین سے منسوب دعویٰ غلط ثابت

 آزاد فیکٹ چیک” نے ایک بھارت سے تعلق رکھنے والے ایکس ہینڈل کی نشاندہی کی ہے جو ایک من گھڑت دعویٰ پھیلا رہا تھا۔ اس ہینڈل نے ایک پوسٹ میں جھوٹا دعویٰ کیا کہ چین کی جانب سے اس کے سفارتخانوں کے ذریعے یہ اطلاع دی گئی ہے کہ انہوں نے ایک فرانسیسی ساختہ رافیل جنگی طیارہ مار گرایا ہے۔

آزاد فیکٹ چیک کے مطابق اس خبر کی نہ صرف کوئی بنیاد نہیں بلکہ اسے فرانسیسی انٹیلی جنس سے منسوب کرنا بھی گمراہ کن ہے۔ چین کی کسی بھی سرکاری ویب سائٹ، سفارتخانے یا وزارتِ خارجہ کی جانب سے ایسا کوئی بیان جاری نہیں کیا گیا۔

Azaad Fact Check has identified an India-based X handle spreading misinformation,falsely quoting French intelligence. Contrary to these claims, China has not used its embassies to disseminate any information about the Rafale. The first official & authentic report of a Rafale… https://t.co/oIqeyHx4SI pic.twitter.com/D8rnIW1HnW

— Azaad Fact Check (@azaadfactcheck) July 6, 2025

مزید تحقیق سے یہ بھی واضح ہوا کہ رافیل طیارے کے مار گرائے جانے کی خبر سب سے پہلے عالمی خبر رساں ادارے سی این این نے دی تھی، جو فرانسیسی انٹیلی جنس ذرائع کا حوالہ دیتے ہوئے شائع کی گئی تھی۔ اس رپورٹ میں کسی چینی بیان یا دعوے کا ذکر نہیں تھا۔

جھوٹے دعوؤں کا مقصد کیا ہو سکتا ہے؟

بھارت میں سوشل میڈیا کے کچھ حلقے دانستہ طور پر ایسی خبریں پھیلاتے ہیں جن سے عالمی سطح پر رائے عامہ کو متاثر کیا جا سکے یا خطے میں دیگر ممالک کے خلاف ایک خاص بیانیہ مضبوط کیا جا سکے۔

آزاد فیکٹ چیک کا مؤقف

ایسے جعلی دعوے بین الاقوامی سطح پر امن، سفارتی تعلقات اور سچائی کی راہ میں رکاوٹ بنتے ہیں۔ ادارے نے سوشل میڈیا صارفین سے گزارش کی ہے کہ وہ کسی بھی غیر مصدقہ اطلاع کو شیئر کرنے سے قبل اس کی تحقیق ضرور کریں۔