ہندوتوا کی حامی مودی سرکار کی خطے میں مسلم دشمنی بے نقاب، بنگلہ دیش بنا نشانہ

گودی میڈیا کی بنگلہ دیش میں ہندو مظلومیت کی آڑ میں مسلم مخالف بیانیہ بنانے کی کوشش بے نقاب ہوگئی، بنگلہ دیشی نجی تنظیم ریومر سکینر نے گودی میڈیا کا راز فاش کر دیا۔

ذرائع کے مطابق مودی سرکار اور گودی میڈیا مذہبی آڑ میں بنگلہ دیشی معاشرے میں انتشار پیدا کرنے کی سازش میں مصروف عمل ہے۔

ریومر سکینر نے گودی میڈیا پر تنقید کرتے ہوئے کہا کہ بھارتی میڈیا نے مٹفورڈ قتل کے مقتول سوہگ کو دانستہ طور پر ہندو ظاہر کیا، اور لعل چند میاں عرف سوہگ، ایوب علی کا بیٹا اور ایک اسکریپ ٹریڈر تھا۔

ریومر سکینر کا کہنا تھا کہ بھارتی میڈیا نے اسے ہندو ظاہر کرنے کی کوشش کی جبکہ سوہگ دراصل مسلمان تھا۔ انہوں نے کہا کہ عوام کو گمراہ کرنے کی غرض سے بھارتی میڈیا نے جان بوجھ کر سوہگ کا مکمل نام یا اس کے والد کا نام ظاہر نہیں کیا۔

مزید پڑھیں:معروف بھارتی اداکارہ نے نئی دہلی کوخواتین کیلئے غیر محفوظ ترین شہر قراردیدیا

ان کا مزید کہنا تھا کہ سوہگ کو 9 جولائی کو ڈھاکہ میں بہیمانہ طور پر قتل کر دیا گیا تھا۔

مودی کی بنگلہ دیش میں مذہبی بنیادوں پر دراڑیں ڈال کر مداخلت کا جواز پیدا کرنے کی سازش بے نقاب ہوگئی ہے۔

گودی میڈیا کی جانب سے واقعے کو مذہبی تاثر دینے کے لیے سوہگ کو دانستہ طور پر ہندو ظاہر کیا گیا۔

پاکستان میں فتنہ الخوارج اور فتنہ الہندستان کے ذریعے دہشتگردی پھیلانے کے بعد اب بنگلہ دیش مودی سرکار کے نشانے پر ہے۔

یہ خبربھی پڑھیں :بھارت کا یاترا کی آڑ میں فوجی تسلط اور پاکستان مخالف بیانیہ بے نقاب

بھارتی ریاست اب بنگلہ دیش میں بھی دہشتگردی اور انتہاپسندی کو ہوا دینے کی کوشش کر رہی ہے۔

بھارتی میڈیا کا جھوٹا پروپیگنڈا بنگلہ دیش میں فرقہ واریت اور مذہبی منافرت پھیلانے کی سازش ہے۔