پنجاب سمیت ملک کے مختلف حصوں میں آج بھی بارش کا امکان

محکمہ موسمیات نے آج بھی پنجاب سمیت ملک بھر میں بارشوں کا امکان ظاہر کیا ہے۔

تفصیلات کے مطابق آج پاکپتن، اوکاڑہ، وہاڑی، ملتان، لاہور سمیت پنجاب اور خیبر پختونخوا کے متعدد علاقوں میں کہیں تیز کہیں ہلکی بارش ہوئی۔

محکمہ موسمیات کے مطابق آج بھی اسلام آباد، پنجاب، خیبر پختونخوا اور کشمیر میں کہیں کہیں موسلادھار بارش کا امکان ہے۔

شام یا رات میں بلوچستان، سندھ اور گلگت بلتستان کے چند مقامات پر تیز ہواؤں اور گرج چمک کے ساتھ بارش ہو سکتی ہے۔

یہ خبربھی پڑھیں :دریائے چناب میں شدید سیلاب، جھنگ اور ملتان میں صورتحال سنگین، 275 دیہات زیر آب

محکمہ موسمیات کے مطابق 2 ستمبرتک کشمیر اور گلگت بلتستان میں گرج چمک کے ساتھ بارش متوقع ہے، جبکہ چترال، دیر، سوات، کوہستان، مانسہرہ، ایبٹ آباد، نوشہرہ میں بھی بارش ہوسکتی ہے۔

 پنجاب اور خیبر پختونخوا میں نشیبی علاقے زیر آب آنے کا خدشہ ظاہر کیا ہے،  مٹھی، تھر پارکر، سکھر، لاڑکانہ، جیکب آباد، دادو میں بھی بارش جبکہ بارکھان، موسیٰ خیل، لورالائی، سبی، ژوب، قلات، اور خضدار میں بھی بارشوں کی پیش گوئی کی گئی ہے۔

محکمہ موسمیات نے خبردار کیا ہے کہ اس دوران کشمیر اور پنجاب و خیبرپختونخوا کے پہاڑی علاقوں میں طغیانی اور اچانک سیلاب آ سکتے ہیں۔ خیبر پختونخوا، گلگت بلتستان، مری، گلیات اور کشمیر کے حساس پہاڑی علاقوں میں لینڈ سلائیڈنگ اور مٹی کے تودے گرنے سے سڑکیں بند ہو سکتی ہیں۔

یہ خبر بھی پڑھیں :پنجاب میں سیلاب متاثرین شدید مشکلات کا شکار،جلدی امراض ، مختلف بیماریاں پھیلنے لگیں

واضح رہے کہ پنجاب کے مختلف شہروں میں کئی گھنٹوں سے جاری موسلادھار بارش نے سیلاب میں ڈوبے متاثرین کی مشکلات میں اضافہ کر دیا ہے ، متعدد علاقے بجلی سے محروم ، راوی، چناب اور ستلج میں اونچے درجے کا سیلاب برقرار ہے ، صوبے میں  سیلاب کے باعث مختلف حادثات میں اموات کی تعداد 30 ہوگئیں۔