سال میں پاکستانیوں نے کتنے ارب ڈالرز کی آن لائن شاپنگ کی؟ حیران کن انکشاف

ایک سال کے دوران پاکستانیوں کی جانب سے اربوں ڈالرز کی آن لائن شاپنگ کا انکشاف سامنے آیا۔ ایشیائی ترقیاتی بینک کی جانب سے ایک رپورٹ میں بتایا گیا کہ 2024 میں پاکستانیوں نے 10.4 ارب ڈالرز کی آن لائن شاپنگ کی۔

تفصیلات کے مطابق گزشتہ ایک سال کی مدت میں پاکستانیوں نے 10 ارب ڈالرسے زائد کی آن لائن شاپنگ کی  اور، زیادہ تر لوگ الیکٹرانکس، فیشن، بیوٹی پراڈکٹس اورلگژری آئٹمز پر خرچ کر رہے ہیں،رپورٹ میں کہا گیا کہ الیکٹرانکس کے علاوہ، آن لائن ہوائی ٹکٹ کی بکنگ دوسرے سب سے بڑے حصے کے طور پر ابھری جو تقریباً 2.3 بلین ڈالر سالانہ کما رہی ہے۔

پروازوں، ہوٹلوں اور چھٹیوں کےلیے آن لائن بکنگ بھی تیزی سے بڑھ رہی ہے جس سے 2027 تک آن لائن شاپنگ کا حجم 12 بلین ڈالرزتک پہنچنے کی توقع ہے۔ فیشن کی خریداری، بشمول لباس اور لوازمات، تقریباً 1 بلین ڈالر ریکارڈ کی گئی، جو نوجوان صارفین کے انداز اور سہولت کے لیے ڈیجیٹل شاپنگ کو اپنانے کے بڑھتے ہوئے رجحان کی عکاسی کرتی ہے۔

مزید پڑھیں: بھارت کی جارحانہ سرگرمیاں؛ ہندوستان کامشرقی لداخ میں فائٹر ائیر بیس جنگی طیاروں کی اڑان کیلئے تیار

اے ڈی بی کی رپورٹ میں بتایا گیا کہ اسی فیصد پاکستانی خریدارموبائل فونز سےآن لائن خریداری کرتے ہیں، جبکہ تیرانوے اعشاریہ سات فیصد صارفین آن لائن فراڈ سے بچاؤ کے لئےاب بھی کیش آن ڈیلیوری کو ترجیح دیتے ہیں،خاص طور پر رپورٹ میں نشاندہی کی گئی ہے کہ آن لائن کھانے کے آرڈرز نے 168.4 ملین روپے کا حصہ ڈالا، جو طرز زندگی کے انتخاب میں تبدیلی کو مزید ظاہر کرتا ہے کیونکہ صارفین روزانہ کی ضروریات کے لیے بھی ڈیجیٹل سہولت کو اپناتے ہیں۔ حکومت نے2023 تک ای کامرس برآمدات 60بلین ڈالرزتک لے جانے کا ہدف رکھا ہے۔