احسن ابدال، سیلابی ریلے میں کار بہہ جانے سے 5 افراد لاپتہ

صوبہ پنجاب کے علاقے حسن ابدال میں سیلابی ریلے میں کار بہہ جانے سے 5 افراد لاپتہ ہو گئے ہیں جبکہ 5 افراد کو بچا لیا گیا ہے، جو مقامی اسپتال میں زیر علاج ہیں۔

یہ بھی پڑھیں:مانسہرہ میں سیلابی ریلے کے باعث متعدد گھر ودکانیں بہہ گئیں ، بھاری مالی نقصان

ریسکیو حکام کے مطابق پنجاب میں ہونے والی شدید بارش کے باعث حسن ابدال کے قریب سیلابی ریلے میں ایک سیون سیٹر کار جس میں 10 افراد سوار تھے، بہہ گئی ہے۔

ریسکیو ذرائع کے مطابق کار میں خواتین، بچوں اور مرد حضرات سمیت 10 لوگ سوار تھے حالانکہ کار میں زیادہ سے زیادہ 7 افراد کے بیٹھنے کی گنجائش تھی۔

بدھ کو یہ واقعہ صبح 3 بجے کے قریب حسن ابدال میں جھاری کے مقام پر پیش آیا ہے۔ اطلاع ملنے پر ریسکیو ٹیمیوں نے موقع پر پہنچ کر کاروائی شروع کر دی  ہے، ریسکیو ذرائع کے مطابق گاڑی میں سوار 5 افراد کو بچا لیا گیا ہے اور انہیں طبی امداد کے لیے اسپتال منتقل کے دیا گیا ہے۔ ریسکیو ٹیم کا کہنا ہے کہ کار حادثے میں لاپتہ دیگر 5 افراد کی تلاش جاری ہے۔

مزید پڑھیں:دیوسائی، سکردو، بابوسر میں شدید بارش کے بعد پاک فوج کا شاندار ریسکیو آپریشن، سیاح، مقامی افراد محفوظ مقامات پر منتقل

ترجمان ریسکیو کے مطابق 5 لوگوں جن میں 50 سالہ عقیل ،55 سالہ وارث ،30 سالہ شہر یار ،55سالہ فرحت ،24 سالہ اسفند کو ریسکیو کرتے ہوئے تحصیل ہیڈ کوارٹرز اسپتال حسن ابدال منتقل کر دیا گیا۔

ترجمان کے مطابق ڈوبنے والوں میں صبرہ سلطان عمر 65 سال، نادیہ جعفر عمر 40 سال، ایمان شہر یار عمر 26 سال، نمرہ عمر 24 سال مصطفیٰ عمر 1 سال شامل ہیں۔

یہ بھی پڑھیں:شاہراہِ بابوسر پر سیلابی ریلے کی زد میں آکر 8گاڑیاں بہہ گئیں، چار افراد ہلاک، متعدد لاپتہ، پاک فوج ریسکیو آپریشن میں پیش پیش

واٹر سرچ اینڈ ریسکیو کی ٹیمیں ڈسٹرکٹ ایمرجنسی آفیسر اٹک ڈاکٹر علی حسین کی سربراہی میں سرچ و ریسکیو آپریشن میں مصروف عمل ہیں۔