اسلامی جمہوریہ ایران کے صدرڈاکٹر مسعود پزشکیان وزیر اعظم پاکستان کی دعوت پر 2 تا 3 اگست کو پاکستان کا سرکاری دورہ کریں گے۔
ڈاکٹر پزشکیان کے ہمراہ ایک اعلیٰ سطحی وفد بھی ہوگا، جس میں اسلامی جمہوریہ ایران کے وزیر خارجہ سید عباس عراقچی، سینئر وزراء اور دیگر اعلیٰ حکام شامل ہوں گے۔
اپنے قیام کے دوران، ایرانی صدر آصف علی زرداری سے ملاقات کریں گے اور وزیر اعظم پاکستان شہباز شریف کے ساتھ وفود کی سطح پر مذاکرات کریں گے۔
یہ ڈاکٹر پزشکیان کا بطور صدر ایران، پاکستان کا پہلا سرکاری دورہ ہوگا، یاد رہے کہ وزیر اعظم شہباز شریف نے آخری بار 26 مئی 2025 کو ایران کا دورہ کیا تھا،یہ دورہ پاکستان اور ایران کے برادرانہ تعلقات کو مزید مضبوط بنانے کی توقع ہے۔