ویب ڈیسک۔ سیکیورٹی فورسز نے خیبرپختونخوا اور اس کے ضم شدہ قبائلی اضلاع میں مختلف کارروائیوں کے دوران 7 ماہ میں 24 انتہائی مطلوب کمانڈرز سمیت 892 دہشت گردوں کو ہلاک کر دیا۔
نجی ٹی وی ایکسپریس نیوز کے مطابق، جنوری سے جولائی 2025 تک جاری رہنے والے ان سیکیورٹی آپریشنز میں بڑی تعداد میں خوارج اور دہشتگرد مارے گئے، جن میں کئی خطرناک اور اہم مقدمات میں مطلوب افراد شامل تھے۔
رپورٹ کے مطابق:
جنوری میں مختلف علاقوں میں انٹیلی جنس آپریشنز کے دوران 142 دہشت گرد ہلاک کیے گئے، جن میں 10 کمانڈرز شامل تھے۔
فروری میں آپریشنز کے نتیجے میں 157 دہشت گرد مارے گئے۔
مارچ میں ہلاک ہونے والے 133 دہشت گردوں میں 14 کمانڈرز بھی شامل تھے۔
اپریل میں سیکیورٹی فورسز نے 163 دہشت گردوں کو ہلاک کیا، جن میں 12 اہم دہشت گرد شامل تھے۔
مئی میں 88، جون میں 96 اور جولائی میں 113 دہشت گردوں کو ہلاک کیا گیا۔
یہ اعداد و شمار ظاہر کرتے ہیں کہ سیکیورٹی فورسز نے دہشت گردی کے خلاف بھرپور اور کامیاب کارروائیاں جاری رکھی ہوئی ہیں۔
By 
