اوگرا نے عوام کو خوشخبری سنادی، ایل پی جی 20 روپے کلو سستی

پاکستان کے سب سے بڑے شہر کراچی میں ایل پی جی 20 روپے کلوسستی ہو گئی اور قیمت 240 روپے سے کم ہو کر 220 تا 230 روپے فی کلو پر آ گئی ہے۔

 اوگرا نے گیس کی سرکاری قیمت 217 روپے مقررکردی ہے ، شہریوں نے قیمت میں کمی کو خوش آئند  تاہم گیس بندش پر تشویش کا اظہار کیا ہے۔

یہ بھی پڑھیں : سولر سسٹم سے بجلی کی پیداوار، صارفین کو بڑا ریلیف مل گیا

گیس بندش سے پریشان شہری بھی خوشی سے نہال ہیں  کیونکہ انہیں ایل پی جی  کی قیمت میں 20 روپے کلو کا ریلیف مل گیاہے، مارکیٹ میں ایل پی جی240 روپے سے کم ہو کر 220 سے 230 روپے کے درمیان فروخت ہو رہی ہے۔

 کراچی کے باسیوں  کا کہنا ہے کہ ایل پی جی سستی ضرور ہوئی ہے، لیکن گھریلو گیس کی عدم دستیابی نے مشکلات میں اضافہ کر دیا ہے ، اوگرا نے اگست کے لیے ایل پی جی کی سرکاری قیمت 217 روپے فی کلو مقرر کی ہے ۔

یہ بھی پڑھیں : وفاقی حکومت نے پیٹرول اور ڈیزل پر لیوی ٹیکس میں اضافہ کر دیا

اس سے قبل یکم اگست سے ایل پی جی 17 روپے 73 پیسے فی کلو سستی کر دی گئی تھی ، اوگرا کے نوٹیفکیشن کے مطابق، ایل پی جی کے 11.8 کلو گرام کے گھریلو سلنڈر کی نئی قیمت 2541 روپے 36 پیسے مقرر کی گئی ۔

 اسلام آباد سے آئل اینڈ گیس ریگولیٹری اتھارٹی (اوگرا) نے ایل پی جی سستی کرنے کا نوٹیفکیشن جاری کیا گیا تھا ۔