بھارتی تنخواہ دار سوشل میڈیا انفلوئنسر عادل راجہ کا کشمیریوں کیخلاف منظم پروپیگنڈہ بے نقاب

آزاد فیکٹ چیک کے مطابق ایک بھارتی تنخواہ دار سوشل میڈیا انفلوئنسرعادل راجہ ایکس پر کشمیریوں کے خلاف منظم پروپیگنڈا پھیلا رہا ہے۔

یہ شخص بھارتی ایجنسیوں کے لیے کام کرتے ہوئے متعدد کشمیری سوشل میڈیا کارکنوں کا ڈیٹا لیک کر چکا ہے جس کے نتیجے میں بھارت کے زیر قبضہ جموں و کشمیر میں آزادی اظہار رائے کو سخت نقصان پہنچا ہے۔

آزاد فیکٹ چیک کے مطابق مذکورہ انفلوئنسرنے کشمیریوں کی آن لائن سرگرمیوں کی نگرانی کرتے ہوئے ان کی شناخت اور ذاتی معلومات بھارتی حکام کو فراہم کیں جس سے مقبوضہ وادی میں انسانی حقوق کی مزید خلاف ورزیاں ہوئیں۔

🚨 Azaad Fact Check has exposed an Indian paid influencer on X who is spreading anti-Kashmir propaganda. This individual, acting as an Indian informant, has compromised the data of numerous Kashmiri social media activists, directly contributing to the unjust suppression of… https://t.co/SuooZbsrLe pic.twitter.com/la4jyOWWCX

— Azaad Fact Check (@azaadfactcheck) August 3, 2025

پاکستان نے اس انکشاف پر شدید تشویش کا اظہار کرتے ہوئے ایک بار پھر کشمیری عوام کے حقِ خودارادیت کی بھرپور حمایت کا اعادہ کیا ہے۔
دفتر خارجہ کے ترجمان کے مطابق، کشمیر پاکستان کی خارجہ پالیسی کا مرکزی مسئلہ ہے اور ہم اقوام متحدہ کی قراردادوں کے مطابق کشمیری عوام کی منصفانہ جدوجہد میں ان کے ساتھ کھڑے ہیں ۔

انہوں نے کہا کہ بھارت کی جانب سے آزادی اظہار رائے کو دبانے کی یہ کوششیں ناقابل قبول ہیں اور عالمی برادری کو چاہیے کہ وہ ان اقدامات کا نوٹس لے۔