سرینگر ایئرپورٹ پر کوئی غیر معمولی سرگرمی نہیں، تمام پروازیں معمول کے مطابق جاری، افواہیں بے بنیاد قرار

پاکستان کے سیکیورٹی ذرائع اور آزاد فیکٹ چیک نے سوشل میڈیا پر پھیلنے والی ان افواہوں کی تردید کر دی ہے کہ مقبوضہ کشمیر کے سرینگر ہوائی اڈے پر بھارتی افواج کی جانب سے کوئی غیر معمولی سرگرمی دکھائی گئی ہے۔
یہ بھی پڑھیں:پاکستان کے ساتھ سیز فائر کے باوجود بھارت نے 24 ہوائی اڈوں پر فلائٹ آپریشن معطل کردیا

سوشل میڈیا پر گردش کرنے والی ان خبروں کے برعکس کہ کشمیر کے فضائی علاقے یا سرینگر ایئرپورٹ پر کوئی غیر معمولی سرگرمی دکھائی گئی ہے، معتبر ذرائع نے واضح کیا ہے کہ تمام حالات مکمل طور پر معمول کے مطابق ہیں، اور یہاں پر پروازوں کا شیڈول بھی معمول کے مطابق جاری ہے۔

All flights for 5th August are scheduled to arrive at the given timings at #srinagarairport. Nothing unusual in #Srinagar. Minutes ago … Sources within the security apparatus of Pakistan while speaking to Azaad FactCheck termed all these social media reports as fake. “No… pic.twitter.com/VcNiXtHFf1

— Azaad Fact Check (@azaadfactcheck) August 4, 2025

فیکٹ چیکنگ ادارے ’آزاد فیکٹ چیک‘  نے سماجی رابطے کی ویب سائٹ ایکس پر جاری کردہ بیان میں بتایا ہے کہ سرینگر مقبوضہ کشمیر کے ہوائی اڈاے پر 5 اگست کی تمام پروازیں اپنے مقررہ وقت پر سرینگر ایئرپورٹ پر لینڈ کر رہی ہیں اور کسی بھی قسم کی غیر معمولی پرواز یا نقل و حرکت ریکارڈ نہیں کی گئی۔

مزید پڑھیں:بھارت نے شمالی اور مغربی علاقوں میں 2 درجن سے زائد ایئر پورٹس پر اپنی پروازیں معطل کر د یں

ادارے نے پاکستانی سیکیورٹی ذرائع کا حوالہ دیتے ہوئے کہا ہے کہ’سوشل میڈیا پر پھیلنے والی تمام رپورٹس جعلی ہیں۔ فضائی حدود کے دونوں طرف مکمل سکون ہے اور کوئی غیر معمولی سرگرمی ریکارڈ نہیں ہوئی ہے‘۔

یہ وضاحت اس وقت سامنے آئی جب مختلف سوشل میڈیا اکاؤنٹس پر کشمیر میں ممکنہ ہنگامی صورتحال یا فوجی نقل و حرکت سے متعلق قیاس آرائیاں کی جا رہی تھیں، جنہوں نے عوامی سطح پر تشویش پیدا کر دی تھی۔

تاہم آزاد ذرائع اور سیکیورٹی حکام کی جانب سے ان خبروں کو واضح طور پر بے بنیاد قرار دے دیا گیا ہے۔