امریکہ کے دورے کے دوران فیلڈ مارشل سید عاصم منیر نے پاکستانی کمیونٹی سے خطاب کرتے ہوئے کہا کہ امریکہ میں مقیم پاکستانیوں سے بات کرنا ان کے لیے اعزاز کی بات ہے۔
انہوں نے کہا کہ بیرون ملک مقیم پاکستانی عزت و وقار کا سرچشمہ ہیں اور وہ برین ڈرین نہیں بلکہ برین گین ہیں۔بھارت اور خطے کی صورتحال پر بات کرتے ہوئے فیلڈ مارشل نے کہا کہ بھارت خود کو “وشوا گرو” کے طور پر پیش کرنا چاہتا ہے، لیکن عملی طور پر ایسا کچھ نہیں۔.
بھارتی خفیہ ایجنسی کی سرحد پار دہشت گرد سرگرمیوں پر عالمی سطح پر تشویش پائی جاتی ہے۔ اس کی مثالوں میں کینیڈا میں سکھ رہنما کا قتل، قطر میں آٹھ بھارتی نیول افسران کا معاملہ اور کلبھوشن یادیو جیسے واقعات شامل ہیں۔.
انہوں نے کہا کہ پاکستان نے بھارت کی دوغلی پالیسیوں کے خلاف کامیاب سفارتی جنگ لڑی ہے ،حالیہ بھارتی جارحیت پاکستان کی خودمختاری کی سنگین خلاف ورزی اور معصوم شہریوں کی شہادت کا باعث بنی۔
اس نے خطے کو جنگ کے دہانے پر پہنچا دیا، جہاں کسی بھی غلطی سے دو طرفہ تصادم ہو سکتا تھا۔فیلڈ مارشل عاصم منیر نے کہا کہ پاکستان صدر ٹرمپ کا مشکور ہے جن کی اسٹریٹجک قیادت سے نہ صرف پاک-بھارت جنگ رکی بلکہ دنیا میں جاری کئی تنازعات بھی ٹالے گئے۔
پاکستان نے بھارتی اشتعال انگیزی کا بھرپور جواب دیا اور بڑے تنازعے کو روکنے میں کامیابی حاصل کی، تاہم بھارت اب بھی خطے میں عدم استحکام پیدا کرنے پر بضد ہے۔ پاکستان واضح کر چکا ہے کہ کسی بھی بھارتی جارحیت کا منہ توڑ جواب دیا جائے گا۔
فیلڈ مارشل نے کہا کہ مقبوضہ کشمیر بھارت کا اندرونی معاملہ نہیں بلکہ ایک نامکمل بین الاقوامی ایجنڈا ہے،قائداعظم کے بقول کشمیر پاکستان کی “شہ رگ” ہے۔ اقوام متحدہ کی سلامتی کونسل کی قراردادیں بھی موجود ہیں اور پاکستان ان کی مکمل حمایت کرتا ہے۔
فیلڈ مارشل سید عاصم منیر نے کہا کہ محض ڈیڑھ ماہ میں ان کا یہ دوسرا دورہ امریکہ ہے جو تعلقات میں نئی جہت کی علامت ہے۔ان دوروں کا مقصد تعلقات کو تعمیری، پائیدار اور مثبت سمت میں آگے بڑھانا ہے۔ امریکہ کے ساتھ ممکنہ تجارتی معاہدے سے بھاری سرمایہ کاری متوقع ہے۔
انہوں نے کہا کہ غزہ میں جاری نسل کشی ایک بدترین انسانی المیہ ہے، جس کے عالمی و علاقائی اثرات خطرناک ہیں۔ افغانستان سے کئی دہشت گرد تنظیمیں، جن میں فتنۂ خوارج شامل ہے پاکستان کے خلاف سرگرم ہیں۔
پاکستان دہشت گردی کے خلاف آخری فصیل ہے اور دہشت گردوں کے لیے کوئی ہمدردی نہیں، انہیں انصاف کے کٹہرے میں لایا جائے گا۔
فیلڈ مارشل نے مزید کہا کہ بیرون ملک مقیم پاکستانیوں کی وطن سے محبت ایک حقیقت ہے۔ وہ قدرتی آفات میں سب سے پہلے امداد کے لیے لبیک کہتے ہیں۔ پاکستان کی ترقی و خوشحالی دنیا بھر میں بسنے والے پاکستانیوں سے جڑی ہے۔
فیلڈ مارشل عاصم منیر نے کہا کہ آج سوشل میڈیا ایک طاقتور ذریعہ ہے، لیکن ملک دشمن عناصر اسے ساختہ افراتفری پیدا کرنے کے لیے استعمال کرتے ہیں۔ انہوں نے قرآن پاک کی آیت کا حوالہ دیتے ہوئے کہا: “اے ایمان والو! اگر کوئی فاسق تمہارے پاس کوئی خبر لے کرآئے تو خوب تحقیق کر لیا کرو تاکہ تم نادانی میں کسی کو نقصان نہ پہنچاؤ۔
انہوں نے کہا کہ نئی نسل کی سوچ، تعلقات اور ترجیحات مختلف ہیں، جنہیں سمجھنا وقت کی ضرورت ہے۔بین الاقوامی کامیابیاں اور معاہدےانہوں نے بتایا کہ پاکستان نے عالمی محاذ پر نمایاں کامیابیاں حاصل کی ہیں۔
امریکہ، سعودی عرب، متحدہ عرب امارات اور چین کے ساتھ مختلف مفاہمتی یادداشتو ں پر عمل جاری ہے جو معاشی تعاون اور سرمایہ کاری کو فروغ دیں گی۔ ملک کی 64 فیصد نوجوان آبادی بے پناہ صلاحیتوں سے بھرپور ہے اور مستقبل کی تعمیر میں کلیدی کردار ادا کرے گی۔
انہوں نے کہا کہ بھارت کے خلاف حالیہ سفارتی اور سیکیورٹی کامیابیاں اللہ کی رحمت، قوم کی اجتماعی کوشش، سیاسی قیادت کی دوراندیشی اور افواج کی پیشہ ورانہ مہارت کا نتیجہ ہیں۔
مارشل سید عاصم منیر نے کہا: “اب سوال یہ نہیں کہ اگر ہم اٹھیں گے بلکہ یہ ہے کہ کتنی جلدی اور کتنی قوت سے ہم اٹھیں گے۔ آئیے ہم اپنے آباؤ اجداد کی میراث قائم رکھتے ہوئے نئے جذبے اور مقصد کے ساتھ آگے بڑھیں۔
By 
