ملک میں سونے کی قیمت میں آج پھر کمی ریکارڈ

عالمی اور مقامی مارکیٹوں میں سونے کی قیمتوں میں پھر کمی ریکارڈ کی گئی ، فی تولہ سونے  کی قیمت  500روپے کی کمی سے 3لاکھ 58ہزار 300روپے ہو گئی۔

رپورٹ کے مطابق بین الاقوامی بلین مارکیٹ میں فی اونس سونے کی قیمتوں میں بھی کمی ہوئی جس کے بعد سونا 5ڈالر کی کمی سے 3ہزار 356ڈالر کا ہوگیا۔

اس کے علاوہ فی 10 گرام سونے کی قیمتیں 429روپےسے کم ہوکر  3لاکھ 07ہزار 184روپے کا ہوگیا۔

واضح رہے کہ گزشتہ روز  بھی پاکستان اور عالمی مارکیٹوں میں سونے کی قیمت میں کمی ہوئی تھی۔

یہ بھی پڑھیں : سوزوکی ایوری پر محدود مدت کے لیے 4,50,000 روپے کی خصوصی رعایت

یاد رہے کہ پاکستان سمیت بین الاقوامی مارکیٹ میں سونے کی قیمت میں کبھی کمی اور کبھی اضافہ دیکھنے کو مل رہا ہے اور کچھ بین الاقوامی فنانشل ادارے رواں سال اس قیمتی دھات کے نرخ مزید بڑھنے کی پیش گوئی کر رہے ہیں۔

دنیا بھرمیں سونے کے ذخائر کے حوالے سے امریکا پہلے نمبر پرہے جبکہ ایشیا میں یہ اعزاز چین کے پاس ہے،بھارت عالمی سطح پر آٹھویں اورایشیا میں دوسرے نمبر پر ہے، پاکستان عالمی فہرست میں 49 ویں نمبر ہے۔

رپورٹ کے مطابق امریکا، جرمنی اور اٹلی سونے کے ذخائر کے حوالے سرفہرست ہیں، ایشیاء میں چین اور بھارت سونے کے سب سے زیادہ ذخائر رکھتے ہیں۔

ورلڈ گولڈ کونسل کے مطابق مختلف ممالک کے مرکزی بینکوں نے 2024ء میں 1,000 میٹرک ٹن سے زائد سونا خریدااور پچھلی دہائی کی اوسط سالانہ خریداری کے تقریباً دگنا کے برابر ہے۔

یہ بھی پڑھیں : آزادی آفر : اب ہونڈا بائیک 48 ماہ کی آسان اقساط پر حاصل کریں

اسی وجہ سے مرکزی بینک سونے کے بڑے ذخیرہ کار ہیں، جو تاریخ میں کان کُنی کے ذریعے نکالے گئے مجموعی سونے کا تقریباً پانچواں حصہ رکھتے ہیں۔