فی تولہ سونے کی قیمت میں مسلسل چھٹے روز بھی کمی

عوام کے لیے خوشخبری ، مقامی و عالمی منڈی میں سونے کی قیمت میں مسلسل چھٹے روز کمی ریکارڈ کی جارہی ہے۔

آل صرافہ ایسوسیسونا ایشن کےمطابق آج مقامی مارکیٹ میں فی تولہ سونے کی قیمت میں 9 سو روپے کی کمی ریکارڈ کی گئی،جس کے بعد 24 قیراط فی تولہ سونے کی قیمت 3 لاکھ 56 ہزار 200 روپے ہوگئی۔

اس کے علاوہ 10 گرام سونے کی قیمت میں 771 روپے کی کمی کے بعد قیمت 3 لاکھ 5 ہزار 384 روپے ہوگئی ہے۔

دوسری جانب عالمی مارکیٹ میں بھی فی تولہ سونے کی قیمت میں 9 ڈالر کی کمی کے بعد فی اونس سونا 3335 ڈالر پر آگیا ہے۔

یہ بھی پڑھیں : ماہ ربیع الاول کا چاند کب نظر آئے گا؟ سپارکو نے پیشگوئی کردی

یاد رہے کہ پاکستان سمیت بین الاقوامی مارکیٹ میں سونے کی قیمت میں کبھی کمی اور کبھی اضافہ دیکھنے کو مل رہا ہے اور کچھ بین الاقوامی فنانشل ادارے رواں سال اس قیمتی دھات کے نرخ مزید بڑھنے کی پیش گوئی کر رہے ہیں۔

دنیا بھرمیں سونے کے ذخائر کے حوالے سے امریکا پہلے نمبر پرہے جبکہ ایشیا میں یہ اعزاز چین کے پاس ہے،بھارت عالمی سطح پر آٹھویں اورایشیا میں دوسرے نمبر پر ہے، پاکستان عالمی فہرست میں 49 ویں نمبر ہے۔

رپورٹ کے مطابق امریکا، جرمنی اور اٹلی سونے کے ذخائر کے حوالے سرفہرست ہیں، ایشیاء میں چین اور بھارت سونے کے سب سے زیادہ ذخائر رکھتے ہیں۔

یہ بھی پڑھیں : ملک میں گاڑیوں کی فروخت میں اضافہ ،نئے اعدادوشمارسامنے آگئے

ورلڈ گولڈ کونسل کے مطابق مختلف ممالک کے مرکزی بینکوں نے 2024ء میں 1,000 میٹرک ٹن سے زائد سونا خریدااور پچھلی دہائی کی اوسط سالانہ خریداری کے تقریباً دگنا کے برابر ہے۔

اسی وجہ سے مرکزی بینک سونے کے بڑے ذخیرہ کار ہیں، جو تاریخ میں کان کُنی کے ذریعے نکالے گئے مجموعی سونے کا تقریباً پانچواں حصہ رکھتے ہیں۔