باجوڑ اور دیر کو ملانے والے پل کی بحالی پر پاک فوج کا کام تیزی سے جاری

سیلاب میں بہہ جانے والے انتہائی اہم جار پل، جو دیر اور باجوڑ کو ملاتا ہے، کے ٹوٹے ہوئے حصوں کی جگہ نئے پل کی تنصیب کا کام تیزی سے شروع کر دیا گیا ہے۔

یہ پل نہ صرف رابطے کا ذریعہ ہے بلکہ علاقے کی اقتصادی اور سماجی سرگرمیوں کے لیے بھی نہایت اہمیت رکھتا ہے۔پاک فوج کی کور آف انجینئرز کے دستے دن رات کی بنیاد پر پل کی مرمت اور نئے حصے کی تنصیب میں مصروف عمل ہیں۔

متعلقہ حکام کے مطابق نئے پل کی تنصیب کا کام جلدمکمل کر لیا جائے گا، جس کے بعد دیر اور باجوڑ کے درمیان منقطع رابطہ فوری طور پر بحال ہو جائے گا۔

یہ خبر بھی پڑھیں ،خیبر پختونخوا میں پاک فوج کا فلڈ ریلیف آپریشن، متاثرین کی امداد، راستوں کی بحالی کا کام جاری

پاک فوج کی جانب سے کیے جانے والے یہ اقدامات مقامی عوام کے لیے سہولت اور محفوظ آمد و رفت کو یقینی بنانے کے لیے انتہائی اہم ہیں۔

نئے پل کی تعمیر کے ساتھ علاقے میں نقل و حمل کی روانی بہتر ہوگی اور مقامی زندگی معمول کے مطابق دوبارہ شروع ہو سکے گی۔

یادر ہے کہ پاک فوج کی انجینئر کور کی شانگلہ اور بونیر میں امدادی کارروائیاں جاری ہیں

امدادی کارروائیوں میں لاشوں کی تلاش ، رابطہ سڑکوں کی بحالی ، اور ریلیف آپریشن میں مدد کرنا شامل ہیں

بونیر میں سرچ کے خصوصی آلات سے لیس پاک فوج کی اربن سرچ اینڈ ریسکیو ٹیمیں لاشوں کی تلاش میں مصروف عمل ہیں

پاک فوج کی اربن سرچ اینڈ ریسکیو ٹیمیں بونیر کے گاؤں بشنوئی ، بٹائی کلے، گوکند اور پیر بابا میں راستے کھولنے اور لاشوں کی تلاش میں مصروف عمل

پاک فوج کی جانب سے شانگلہ کے علاقے الوچ اور چکیسر کو ملانے والی سڑک کی بحالی کا کام بھی تیزی سے جاری

پاک فوج کا ریسکیو اینڈ ریلیف آپریشن سیلاب سے متاثرہ علاقوں کی بحالی تک جاری رہے گا