مری اور گلیات میں سیاحوں کی آمد ورفت محدود کرنے کے احکامات جاری

پی ڈی ایم اے نے مری اور گلیات میں 19 اگست تک سیاحوں کی نقل و حمل کو محدود کرنے کے احکامات جاری کر دیے ہیں

سیکرٹری سیرو سیاحت کی جانب سے کمشنر راولپنڈی اور ڈپٹی کمشنر مری کو مراسلہ بھی بھیجا گیا ہے،پی ڈی ایم اے پنجاب کے مطابق، طوفانی بارشوں اور لینڈ سلائیڈنگ کے خطرات کے پیش نظر سیاحوں اور شہریوں کو پہاڑی علاقوں میں غیر ضروری سفر سے گریز کرنے کی ہدایت کی گئی ہے۔

یہ خبر بھی پڑھیں :سیلاب زدہ علاقوں میں فون کالز کا مسئلہ حل،متاثر ین کو بڑی سہولت فراہم

مری ضلعی انتظامیہ کو ہائی الرٹ کر دیا گیا ہے اور تمام حساس مقامات پر ٹریفک پولیس الرٹ رہے گی تاکہ ٹریفک کے بہاؤ کو کنٹرول کیا جا سکے۔

پی ڈی ایم اے نے عوام اور سیاحوں کو ممکنہ بارشوں، کلاؤڈ برسٹنگ اور فلیش فلڈنگ کے حوالے سے آگاہی دینے کی ہدایت بھی کی ہے

ڈی جی پی ڈی ایم اے نے زور دیا ہے کہ سیاح محفوظ مقامات پر رہیں اور کسی بھی ہنگامی صورتحال کی صورت میں فوری اقدامات کریں۔