ہماری فوج نہ ہوتی تو ہمیں کوئی سہارا نہ ملتا، بہترین خدمات پر عوام کا فوج کو خراج تحسین

سیلاب سے شدید متاثرہ باجوڑ، سوات اور مالاکنڈ ڈویژن میں پاک فوج کی خدمات پر خیبرپختونخوا کے عوام نے زبردست خراج تحسین پیش کیا۔.

مقامی افراد نے کہا ہم پاک فوج کے شکر گزار ہیں کہ انہوں نے مشکل وقت میں ہماری مدد کی، جب کوئی اور پہنچنے کی سکت نہیں رکھتا تھا۔

ہمارے جوانوں نے دن رات کی پروا کیے بغیر یہاں آ کر لوگوں کو با حفاظت ریسکیو کیا اور ہر مشکل گھڑی میں ہمارے ساتھ کھڑے رہے۔

یہ خبر بھی پڑھیں :پاک فوج مشکل میں گھرے ہم وطنوں کے شانہ بشانہ، گلگت بلتستان اور خیبر پختونخوا میں امدادی کارروائیاں جاری

ہم دل کی گہرائیوں سے ان کے شکر گزار ہیں ،عوام نے مزیدکہا کہ ہم نے اپنی آنکھوں سے دیکھا کہ پاک فوج دن رات عوام کی خدمت کے لیے موجود رہی۔

ہیلی کاپٹروں کے ذریعے متاثرین تک فوری امداد پہنچائی گئی، بچوں، خواتین اور بزرگوں کو محفوظ مقامات تک منتقل کیا گیا اور ہر ممکن تعاون فراہم کیا گیا۔

یہ خبر بھی پڑھیں :باجوڑ اور دیر کو ملانے والے پل کی بحالی پر پاک فوج کا کام تیزی سے جاری
اگر ہماری فوج نہ ہوتی تو شاید ہمیں کوئی سہارا نہ ملتا۔ یہی وہ فوج ہے جسے بعض لوگ تنقید کا نشانہ بناتے ہیں، لیکن یہی فوج ہماری مدد کے لیے مشینری، ہیلی کاپٹر اور تمام وسائل کے ساتھ پہنچی اور ہر مشکل لمحے میں ہمارے ساتھ کھڑی رہی۔

ہم ان کے جذبے، قربانی اور خدمت کو دل سے سراہتے ہیں اور ان کے شکر گزار ہیں کہ انہوں نے ہمارے بچوں، خواتین اور بزرگوں کو محفوظ مقامات تک منتقل کیا۔