ملک بھر کے صارفین کے لیے خوشخبری ، بجلی سستی ہونےکا امکان

شہر قائد کراچی سمیت ملک بھرکے لیے ماہانہ ایڈجسٹمنٹ کی مد میں بجلی سستی ہونےکا امکان ہے۔

ذرائع کے مطابق  بجلی ایک روپے69 پیسےفی یونٹ سستی کرنےکی درخواست نیشنل الیکٹرک پاور ریگولیٹری اتھارٹی (نیپرا) میں دائر کی گئی ہے۔

ذرائع کے مطابق سی پی پی اے نےجولائی2025کی ایڈجسٹمنٹ کی درخواست نیپرامیں جمع کی ہے، پاورڈویژن نے یکساں ٹیرف سےمتعلق ای سی سی پالیسی گائیڈلائنز نیپرا کوبھجوا دیں۔

ذرائع نے بتایا کہ ای سی سی پالیسی گائیڈلائنزکے تحت ماہانہ ایڈجسٹمنٹ کا اطلاق کےالیکڑک پر بھی ہوگا، نیپرا کی جانب سے سی پی پی اے کی درخواست پر28اگست کوسماعت کی جائےگی۔

یہ بھی پڑھیں: مفت سولر پینل اسکیم کا آغاز ، درخواست دینے کا طریقہ جانیے

ذرائع کا کہنا تھا کہ یکساں ٹیرف سےمتعلق ای سی سی کی پالیسی گائیڈ لائنز کا بھی نیپراجائزہ لےگی۔

واضح رہے کہ ای سی سی نےملک بھرکے لیے یکساں فیول چارجزایڈجسٹمنٹ لاگوکرنےکی منظوری دی تھی، کابینہ کی اقتصادی رابطہ کمیٹی نے19 اگست کوپاورڈویژن کی سمری منظورکرلی تھی۔

یہ بھی پڑھیں : وفاقی حکومت کا بجلی کے پیک اور آف پیک آورز میں تبدیلی کا فیصلہ

ای سی سی فیصلےکےتحت بجلی کی قیمت میں ماہانہ ایڈجسٹمنٹ ملک بھرکے لیے یکساں ہوگی۔