گلگت میں پاک فوج نے فوری ریسکیو آپریشن شروع کردیا

گلگت بلتستان کی تحصیل گوپس میں گلیشیئر پھٹنے پر پاک فوج نے فوری ریسکیو آپریشن شروع کردیا ،گلگت بلتستان کی تحصیل گوپس کے علاقے تلی داس کے گاؤں روشان میں گلیشیئر جھیل پھٹنے سے شدید سیلابی صورتحال نے مقامی آبادی کو خطرات سے دوچار کردیا ہے۔

گلیشئر پھٹنے سے دریائی پانی کا بہاؤ رک گیا جس سے قریبی آبادی محصور ہو چکی ہے زمینی کٹاؤ نے صورتحال کو مزید سنگین بنا دیا ہےزمینی راستے متاثر ہونے سے مقامی افراد تک رسائی محدود ہو چکی جبکہ متاثرین فوری ریسکیو کے منتظر ہیں۔

یہ خبر بھی پڑھیں :پاک فوج کا سوات میں سیلاب میں ریسکیو آپریشن، عوام اورسکول کے بچوں کو محفوظ مقام پر منتقل کیا

جی بی سکاؤٹس کوئیک ری ایکشن فورس کو جائے وقوعہ کی جانب روانہ کردیا گیاہے جس کا مقصد متاثرین کو محفوظ مقامات پر منتقل کرنا ہے۔

🚨🚨خیبرپختونخوا پاک آرمی فلڈ ریلیف آپریشن اپڈیٹ۔۔
پاک فوج کی کوششوں سے بونیر میں قادر نگر سے بھٹائی دارا جانے والی سڑک کھول دی گئی۔۔سیلاب زدہ علاقوں سے لوگوں کو محفوظ مقامات پر منتقل کیا جا رہا ہے pic.twitter.com/LXo0k1h4Qv

— Azaad Urdu (@azaad_urdu) August 22, 2025

دوسری جانب سول انتظامیہ اور ریسکیو 1122 نے بھی فوری طور پر تمام وسائل کو متحرک کردیا ہےفرنٹیئر کور ناردرن ایریاز کی جانب سے بھی ریسکیو مشن کی تیاری مکمل کر لی گئی ہے۔

یہ مشن ہیلی کاپٹر کے ذریعے انجام دیا جائے گااس کا مقصد دشوار گزار علاقوں میں پھنسے افراد کو فوری نکالنا ہےمتاترین نے حکام سے اپیل کی ہے کہ فوری طور پر اقدامات کرکے قیمتی جانوں کو بچایا جائے۔