آزاد ڈیجیٹل کے بیوروچیف لندن اظہر جاوید اور جیو نیوز کے صحافی مرتضیٰ علی شاہ نے وزیراعظم شہباز شریف سے ملاقات کی، اس موقع پر وفاقی وزیر اطلاعات عطا اللہ تارڑ بھی موجود تھے۔
اظہر جاوید کے مطابق حکومت اوورسیز پاکستانیوں کو وی آئی پی کا درجہ دینے کے لیے اہم اقدامات اٹھا رہی ہے۔ انہوں نے بتایا کہ سرمایہ کاری کے فروغ کے لیے خصوصی عدالتوں کا قیام عمل میں لایا جا رہا ہے اور سہولیات کو مزید بڑھایا جا رہا ہے۔
ان کا کہنا تھا کہ اسلام آباد میں ہونے والے اوورسیز کنونشن میں کیے گئے بیشتر اعلانات پر عملدرآمد شروع ہو چکا ہے۔ انہوں نے مزید کہا کہ ملاقات کے دوران وزیراعظم شہباز شریف کو پاکستان کو درپیش معاشی مشکلات کے حل میں پرعزم پایا گیا۔
By 
