ملک کے مختلف شہروں میں سیمنٹ کی قیمت میں کمی

ملک کے مختلف شہروں میں گزشتہ ہفتے کے دوران سیمنٹ کی قیمت میں کمی ریکارڈ کی گئی ۔

ادارہ شماریات کے اعداد و شمار کے مطابق گزشتہ ہفتے میں ملک کے شمالی شہروں میں سیمنٹ کی فی فوری کی اوسط ریٹیل قیمت 1391 روپے رہی جو پیوستہ ہفتے کے مقابلے میں 0.14 فیصد کم ہے، پیوستہ ہفتے کے دوران ان شہروں میں سیمنٹ کی فی فوری کی اوسط ریٹیل قیمت 1393 روپے ریکارڈ کی گئی تھی۔

یہ بھی پڑھیں : سونے کی قیمت کو پر لگ گئے، نیا تاریخی ریکارڈ قائم

ادارہ شماریات کے مطابق ملک کے جنوبی شہروں میں سیمنٹ کی فی فوری کی اوسط ریٹیل قیمت 1443 روپے رہی پیوستہ ہفتے میں بھی ریٹیل قیمت 1443 روپے ریکارڈ کی گئی تھی۔

گزشتہ ہفتے کے دوران اسلام آباد میں سیمنٹ کی فی فوری کی اوسط قیمت 1367 روپے، راولپنڈی میں اوسط قیمت 1372 روپے،گوجرانوالہ میں اوسط قیمت 1440 روپے، سیالکوٹ میں اوسط قیمت 1410 روپے رہی۔

لاہورمیں سیمنٹ کی بوری کی اوسط قیمت 1443 روپے، فیصل آباد میں 1380 روپے، سرگودھا میں 1363 روپے، ملتان میں 1422 روپے اور بہاولپور میں 1450 ریکارڈ کی گئی۔

یہ بھی پڑھیں : کراچی سمیت سندھ کے مختلف شہروں میں بارش، نشیبی علاقے زیرِ آب آنے کا خدشہ

پشاور میں سیمنٹ کی بوری کی اوسط ریٹیل قیمت 1350 روپے، بنوں میں 1300 روپے، کراچی میں 1367 روپے، حیدرآباد میں 1427 روپے، سکھر میں 1465 روپے، لاڑکانہ میں 1407 روپے، کوئٹہ میں 1510 روپے اور خضدار میں قیمت 1483 روپے رہی۔