سرکاری ملازمین کے لیے بڑی خوشخبری

اسلام آباد ٹریفک پولیس نے سرکاری ملازمین کے لیے ڈرائیونگ لائسنس بنوانے کی خصوصی مہم شروع کر دی ہے، جس سے ان کی بڑی مشکل آسان ہو گئی۔

ترجمان پولیس کے مطابق یہ مہم 17 سے 26 ستمبر تک جاری رہے گی، جس دوران ٹریفک دفاتر اور موبائل وینز پر تمام سہولیات فراہم کی جائیں گی۔

سی ٹی او اسلام آباد کیپٹن (ر) حمزہ ہمایوں نے کہا کہ بڑی تعداد میں سرکاری ملازمین کے پاس ڈرائیونگ لائسنس موجود نہیں، اور بطور سرکاری ملازم احتساب کا آغاز سب سے پہلے خود سے ہونا چاہیے۔

انہوں نے واضح کیا کہ 26 ستمبر کے بعد بغیر لائسنس ڈرائیونگ کرنے والوں کے خلاف بلا تفریق کارروائی ہوگی۔ خلاف ورزی کی صورت میں گاڑی بند کرنے سمیت محکمانہ کارروائی بھی عمل میں لائی جائے گی۔

یہ بھی پڑھیں: خیبرپختونخوا حکومت کا سرکاری ملازمین کے لیے آسان اقساط پر گھروں کی فراہمی کا فیصلہ

سی ٹی او نے مزید کہا کہ ٹریفک پولیس کے تمام دفاتر اور وسائل سرکاری ملازمین کو سہولت فراہم کریں گے، جبکہ اس اقدام کا مقصد قانون کی پاسداری اور ٹریفک نظام میں بہتری لانا ہے۔