جامعہ کراچی نے جسٹس طارق محمود جہانگیری کی ایل ایل بی کی ڈگری منسوخ کر دی

جامعہ کراچی نے جسٹس طارق محمود جہانگیری کی ایل ایل بی ڈگری منسوخ کر دی اور تین سال کی پابندی عائد کر دی

جامعہ کراچی نے اسلام آباد ہائی کورٹ کے جسٹس طارق محمود جہانگیری کی قانون کی ڈگری منسوخ کرتے ہوئے ان پر تین سال کی پابندی عائد کر دی ہے۔

جامعہ کراچی کے جاری کردہ اعلامیے کے مطابق طارق محمود ولد قاضی محمد اکرم کی ایل ایل بی کا نتیجہ اور ڈگری منسوخ کر دی گئی ہے۔

جسٹس طارق جہانگیری نےعدالتی کام سے روکے جانے کیخلاف سپریم کورٹ میں اپیل دائر کردی

اعلامیے میں مزید کہا گیا ہے کہ طالب علم نے غیر منصفانہ ذرائع استعمال کیے، جس کی بنیاد پر تین سال کے لیے پابندی عائد کی گئی ہے۔

نوٹیفکیشن کے مطابق طارق محمود کو کسی بھی یونیورسٹی یا کالج میں داخلہ لینے اور امتحانات دینے سے روک دیا گیا ہے۔

مزید برآں نوٹیفکیشن میں یہ بھی واضح کیا گیا ہے کہ طارق محمود کبھی بھی اسلامیہ لاء کالج کراچی کے باقاعدہ طالب علم نہیں رہے۔