آزاد کشمیر میں جوائنٹ عوامی ایکشن کمیٹی کی جانب سے دی جانے والی احتجاجی کال بری طرح ناکام ہوگئی ہے۔ ذرائع کے مطابق آزاد کشمیر کے غیور عوام نے مفاد پرست عناصر کی کال کو یکسر مسترد کردیا۔
ذرائع کے مطابق بیشتر شہروں میں بازار اور دکانیں کھلی رہیں اور معمولات زندگی حسب معمول رواں دواں ہیں۔ تاہم کچھ مفاد پرست عناصر نے ہڑتال کی ناکامی کے پیش نظر امن و امان کی صورتحال خراب کرنے کی کوشش کی۔
ذرائع کا کہنا ہے کہ قانون نافذ کرنے والے اداروں نے توڑ پھوڑ اور ہنگامہ آرائی میں ملوث افراد کے خلاف قانونی کارروائی شروع کردی ہے۔ سکیورٹی ادارے امن و امان کی صورتحال کو برقرار رکھنے کے لئے مصروف عمل ہیں۔
ذرائع کے مطابق کسی کو بھی اپنے مذموم عزائم کے لئے معمولات زندگی کو متاثر کرنے کی اجازت نہیں دی جائے گی۔ عوامی املاک کو نقصان پہنچانے اور ہنگامہ آرائی میں ملوث عناصر کے خلاف سخت قانونی کارروائی عمل میں لائی جائے گی۔
By 
