وزیر اعظم شہباز شریف کامیاب غیر ملکی دورے کے بعد وطن واپس پہنچ گئے

وزیراعظم محمد شہباز شریف اپنے غیر ملکی دورے کے بعد اسلام آباد واپس پہنچ گئے،دورہ اقوام متحدہ کے دوران وزیراعظم نے جنرل اسمبلی کے اجلاس سے خطاب کیا، جس میں انہوں نے مسئلہ کشمیر اور فلسطین کو بھرپور انداز میں اجاگر کیا۔

اس موقع پر ان کی امریکی صدر ڈونلڈ ٹرمپ سمیت کئی اسلامی ممالک کے رہنماؤں سے اہم ملاقاتیں بھی ہوئیں، اسی دوران سعودی عرب کے ساتھ ایک تاریخی معاہدے پر بھی دستخط کیے گئے۔

یہ خبربھی پڑھیں :وزیرِاعظم شہباز شریف کی اقوام متحدہ کے سیکریٹری جنرل انتونیو گوتریس سے ملاقات

اسلام آباد آمد پر نور خان ایئر بیس پر اسپیکر قومی اسمبلی سردار ایاز صادق اور وفاقی وزیر داخلہ محسن نقوی نے وزیراعظم کا استقبال کیا۔

واضح رہے کہ وزیراعظم شہباز شریف لندن سے براہِ راست پاکستان روانہ ہوئے تھے، لندن قیام کے دوران انہوں نے اپنا طبی معائنہ کرایا، تین روزہ قیام کے دوران اوورسیز پاکستانیوں کے مختلف وفود سے ملاقاتیں بھی کیں۔