چاہتے ہیں فوری امن قائم ہو،حماس عالمی نگرانی میں ہتھیار ڈالنے پرمتفق

قاہرہ میں حماس اور ثالث فریقوں کے درمیان مذاکرات میں نمایاں پیش رفت ہوئی ہے حماس نے اعلان کیا ہے کہ وہ عالمی نگرانی میں ہتھیار چھوڑنے پر رضامند ہے

حماس کا کہنا ہے کہ فیصلے سے امریکہ کو آگاہ بھی کردیاہے ان کا کہنا تھا کہ قطر کے ذریعے اسرائیل کے مکمل انخلا کی ضمانتیں حاصل کی گئی ہیں۔

حماس نے کہا کہ ہتھیار فلسطینی اور مصری اداروں کے حوالے کیے جائیں گے جبکہ لاشیں جمع کرنے کے لیے بمباری عارضی طور پر معطل کرنے کی درخواست کی گئی ہے۔

یہ خبربھی پڑھیں :مذاکرات کے بعد اسرائیل نے انخلاء کی ابتدائی لائن پر رضامندی ظاہر کر دی: صدر ٹرمپ

حماس کا کہنا ہے کہ کہ وہ لڑائی روکنے کے پابند ہیں اور اسرائیل کے جال میں نہیں پھنسیں گے مذاکرات جلد مکمل کرنے کی کوشش کی جائے گی فوری امن قائم کرنا ترجیح ہے۔

ادھرامریکی صدر ڈونلڈ ٹرمپ نے اس معاہدے کو اسرائیل کے لیے شاندار قرار دیا اور کہا کہ عرب اور مسلم رہنماؤں کے ساتھ اچھے تعلقات رہے ہیں۔

ان کا کہنا تھا کہ حماس کے ساتھ یہ منصوبہ حیرت انگیز ہے اور مشرق وسطیٰ میں صدیوں بعد امن قائم ہونے کی امید ہے۔