شکارپور میں جعفر ایکسپریس کے ریلوے ٹریک پر دھماکہ

شکارپور میں سلطان کوٹ کے قریب سومرواہ  پر ریلوےٹریک پر دھماکا ہوا ہے، جس کے نتیجے میں زخمی ہونیوالوں کی تعداد 7 ہو گئی۔

دھماکے سے پشاور سے کوئٹہ جانےوالی جعفرایکسپریس کی 4 بوگیاں ٹریک سےاترگئیں، دھماکے میں زخمی افرادکو اسپتال منتقل کردیا گیا۔

واقعہ سے علاقے میں خوف و ہراس پھیل گیا اور ٹرینوں کی آمد ورفت عارضی طور پر معطل کر دی گئی۔

یہ بھی پڑھیں : رواں سال کا پہلا سپر مون آج ، کیا پاکستان میں دیکھا جا سکے گا؟

پولیس کا کہنا ہے کہ ریسکیو آپریشن جاری ہے، پولیس اور رینجرز کی بھاری نفری نے جائے وقوعہ پر پہنچ کر تحقیقات کا آغاز کردیا ہے، تاکہ  دھماکے کی نوعیت کا تعین کیا جاسکے ۔