علی امین گنڈا پور نے استعفیٰ منظور ہونے سے قبل ہی وزیر اعلیٰ ہائوس چھوڑ دیا،ڈی آئی خان روانہ

خیبرپختونخوا کے وزیراعلیٰ علی امین گنڈا پور نے اپنا استعفیٰ باضابطہ طور پر منظور ہونے سے قبل ہی وزیراعلیٰ ہاؤس پشاور چھوڑ دیا۔

علی امین گنڈا پور ڈی آئی خان روانہ ہو گئے ہیں جہاں وہ آئندہ کے سیاسی لائحہ عمل پر مشاورت کریں گے۔

یہ خبر بھی پڑھیں :اب اگر عمران خان بھی کہے تو دوبارہ وزیراعلیٰ کا عہدہ قبول نہیں کروں گا، علی امین گنڈاپور

علی امین گنڈا پور نے استعفیٰ جمع کرا دیا تھا تاہم تاحال اس کی منظوری کی سمری گورنر ہاؤس کو موصول نہیں ہوئی۔

علی امین گنڈا پور نے کہا ہے کہ وہ پارٹی قیادت کے فیصلے کے مطابق آئندہ حکمتِ عملی طے کریں گے ڈی آئی خان روانگی سے قبل انہوں نے وزیر اعلیٰ ہائوس کے عملے سے بھی فردا فردا ملاقات کی ۔

یادرہے دو دن قبل وزیر اعلی کے پی علی امین گنڈا پور نے بانی پی ٹی آئی کے کہنے پر اپنا استعفیٰ دے دیا تھا جبکہ پارٹی کی طرف سے سہیل آفریدی کو نیا وزیر اعلیٰ نامزد کیا گیا ہے

گنڈا پور نے گزشتہ روز کابینہ ارکان اور پارٹی ممبران کو عشائیہ پر بھی مدعو کیا تھا جہاں مستقبل کے حوالے سے لائحہ عمل پر بات چیت  بھی کی گئی تھی ۔