پاکستان کا بڑا اقدام! غیر ملکیوں کے لیے نیا بزنس ویزہ جاری کرنے کا فیصلہ

پاکستان نے غیر ملکیوں کیلئے نیا بزنس ویزہ جاری کرنے کا فیصلہ کرلیا ، ویزے پر کاروباری افراد کو ملٹی پل ویزے جاری کیے جائیں گے۔

میڈیا رپورٹ ؤ کے مطابق حکومت نے غیر ملکیوں کیلئے نیا بزنس ویزہ جاری کرنے کا فیصلہ کرلیا ہے ، ذرائع وزارت داخلہ نے بتایا کہ نئی پالیسی کے تحت پاکستان میں کاروبار کرنیوالوں کو بزنس ویزے دیے جائیں گے۔

ذرائع کا کہنا تھا کہ بزنس ویزہ پر کاروباری افراد کو ملٹی پل ویزے جاری کیے جائیں گے جبکہ پاکستان میں کاروبار کرنیوالے افغان شہری بزنس ویزہ حاصل کرسکیں گے۔

یہ بھی پڑھیں : دنیا بھر میں یوٹیوب بند کیوں ہوا؟ گوگل کا بیان آگیا

یاد رہے پاکستان نے 126 ممالک کے شہریوں کو بغیر فیس ویزا جاری کرنے کا اعلان کردیا، نئے قوانین کے مطابق غیر ملکیوں کے لیے سیاحتی اور کاروباری ویزے مفت ہوں گے اور 24 گھنٹے کے اندر الیکٹرانک طور پر جاری کئے جائيں گے۔

اگرچہ پاکستان کی وزارت داخلہ نے کچھ برس قبل بھی اسلامی جمہوریہ ایران سمیت تقریباً 50 ممالک کے شہریوں کے لئے ویزوں میں سہولت کی نئی پالیسی کا اعلان کیا تھا۔

ماہرین کے مطابق بزنس ویزہ پالیسی میں نرمی اور سہولتوں سے بین الاقوامی سرمایہ کاروں اور کاروباری شخصیات کو پاکستان کی جانب راغب کرنے میں مدد ملے گی، جو مقامی صنعت، روزگار اور ٹیکنالوجی کے شعبے میں ترقی کا باعث بن سکتی ہے۔

یہ بھی پڑھیں: روس کا چین، سعودی اور ملائشیا کے شہریوں کیلئے فری ویزا سہولت کا اعلان

حکومت کا ماننا ہے کہ آسان اور شفاف ویزہ پالیسی سے نہ صرف کاروباری روابط میں اضافہ ہوگا بلکہ پاکستان کا عالمی سطح پر امیج بھی بہتر ہوگا۔