صوابی میں سی ٹی ڈی اور پولیس کا کامیاب آپریشن، دو انتہائی مطلوب دہشتگرد ہلاک

کاونٹر ٹیررازم ڈیپارٹمنٹ اور پولیس نے ٹوپی کے علاقے اجمیر شاہ پہاڑ میں مشترکہ انٹیلی جنس بیسڈ آپریشن کیا جس میں دو انتہائی مطلوب دہشتگرد ہلاک ہو گئے، جبکہ اسلحہ اور ایمونیشن بھی برآمد کر لیا گیا۔

سی ٹی ڈی کے مطابق موٹر سائیکل سوار فتنہ الخوارج کے دہشتگردوں نے سی ٹی ڈی اور پولیس ٹیم پر فائرنگ کی  تاہم جوابی کارروائی میں دونوں دہشتگرد موقع پر ہی مارے گئے۔

ہلاک دہشتگردوں کی شناخت نعمان عرف مانے ولد مکین شاہ اور عبدالباسط ولد تلاوت شاہ ساکن صوابی کے ناموں سے ہوئی  دونوں کے خلاف ڈرائیور کانسٹیبل زاہد اور کانسٹیبل جمال الدین کو شہید کرنے سمیت قتل، اقدامِ قتل اور دہشتگردی کے متعدد مقدمات درج تھے۔

یہ خبر بھی پڑھیں :سیکیورٹی فورسز کی بڑی کامیابی، بلوچستان میں فتنہ الہندوستان کا انتہائی مطلوب دہشتگرد ہلاک

واقعے میں ملوث دیگر دو دہشتگردوں کی گرفتاری کے لیے علاقے میں سرچ اینڈ سٹرائیک آپریشن شروع کر دیا گیا ہے۔

ایڈیشنل آئی جی سی ٹی ڈی شوکت عباس نے کامیاب آپریشن پر سی ٹی ڈی مردان ٹیم کو خصوصی شاباش دی اور کہا کہ

 دہشتگردی کے خاتمے اور عوام کے جان و مال کے تحفظ کے لیے سی ٹی ڈی اور خیبرپختونخوا پولیس صفِ اول کا کردار ادا کر رہی ہے۔