پاکستان نے افغان طالبان کے ترجمان کا گمراہ کن بیان مسترد کر دیا

وفاقی وزارتِ اطلاعات و نشریات نے افغان طالبان کے ترجمان کے گمراہ کن بیان کو مسترد کرتے ہوئے کہا ہے کہ استنبول مذاکرات سے متعلق حقائق کو توڑ مروڑ کر پیش کیا گیا۔

ترجمان وزارتِ اطلاعات کے مطابق پاکستان نے مذاکرات کے دوران افغان سرزمین پر موجود دہشتگردوں کی گرفتاری کا مطالبہ کیا تھا، جس پر افغان فریق کے دعوے کے جواب میں پاکستان نے فوری طور پر تحویل کی پیشکش کی۔

وزارتِ اطلاعات نے کہا کہ پاکستان کا مؤقف واضح، مستقل اور ریکارڈ پر موجود ہے، پاکستان کے خلاف غلط بیانی کسی صورت قابلِ قبول نہیں۔ افغانستان کی جانب سے جھوٹے دعوے حقائق کے منافی ہیں۔

بیان میں مزید کہا گیا کہ پاکستان نے واضح کیا ہے کہ دہشتگردوں کی حوالگی صرف سرحدی اینٹری پوائنٹس کے ذریعے ممکن ہے، کسی بھی متضاد دعوے کو بے بنیاد اور گمراہ کن قرار دیا گیا ہے۔ وزارتِ اطلاعات کے مطابق پاکستان کے مؤقف کو غلط انداز میں پیش کیا جا رہا ہے۔

یہ بھی پڑھیں: بھارتی خفیہ ایجنسیوں نے افواج پاکستان کی وردیاں، سم کارڈز اور ہوٹل بلز مانگے، گرفتار اعجاز ملاح کا اعترافی بیان