نیب عمران خان کیخلاف ایک اور ریفرنس لارہا ہے، نعیم پنجوتھہ کا دعویٰ

نیب عمران خان کیخلاف ایک اور ریفرنس لانا چاہتا ہے، وکیل نعیم حیدر پنجوتھہ نے بڑا دعویٰ کر دیا۔

پاکستان تحریک انصاف کے رہنما اور وکیل نعیم پنجوتھہ نےاڈیالہ جیل کے باہر میڈیا سے گفتگو کرتے ہوئے الزام عائد کیا کہ پمز کے ڈاکٹر نے عمران خان سے متعلق خود ساختہ رپورٹس تیار کی ہیں۔ انہوں نے دعویٰ کیا کہ نیب بانی پی ٹی آئی کیخلاف ایک اور ریفرنس لانا چاہتا ہے۔

مزید پڑھیں: 190 ملین پائونڈ کیس کی سماعت، بشریٰ بی بی شدید برہم نظر آئیں

نعیم پنجوتھہ نے مزید کہا کہ پمز کے ڈاکٹرز کو ٹیسٹ دینے سے بشریٰ بی بی نے انکار کیا، بانی پی ٹی آئی نے کہا کہ ٹیسٹ شوکت خانم اسپتال سے کروائے جائیں۔ نعیم پنجوتھہ نے مزید بتایا کہ آج کی سماعت پر بشریٰ بی بی کی جانب سے عدم اعتماد کا اظہار کیا گیا۔ انہوں نے کہا جتنی تیز ٹرائل چلایا جارہا ہے عدم اعتماد کرتی ہوں۔نعیم پنجوتھہ نے کہا کہ نواز شریف اور آصف زرداری کو ڈیڑھ ماہ کی تاریخ دی جاتی رہی۔ نیب بانی پی ٹی آئی کے خلاف ایک اور ریفرنس لانا چاہتا ہے۔ صحافیوں پر پابندیوں پر بانی پی ٹی آئی نے تشویش کا اظہار کیا۔

واضح رہے کہ 190 ملین پائونڈ کیس کی اڈیالہ جیل میں سماعت کے دوران بشریٰ بی بی نے احتساب عدالت کے جج پر عدم اعتماد کا اظہار کر دیا۔ طویل مشاورت کے بعد عدم اعتماد کی واپس لینے سے عدالت کو آگاہ کر دیا۔