By محکمہ موسمیات نے پیشگوئی کی ہے کہ جمعہ 7 جون کو ذی الحجہ کا چاند نظر آنے کا قوی امکان ہے اس حساب کے مطابق اگر چاند 7 جون بروز جمعہ کو نظر آتا ہے تو عید الاضحیٰ اتوار 17 جون کو ہوگی۔
العربیہ کی ایک رپورٹ کے مطابق بین الاقوامی فلکیاتی مرکز نے کہا ہے کہ اسلامی ممالک جمعہ 7 جون کو ذی الحجہ کا چاند دیکھیں گے۔ اگر چاند نظر آتا ہے تو ذی الحجہ کا پہلا دن ہفتہ 8 جون ہوگا، بصورت دیگر یہ 9 جون بروز اتوار ہوگا۔ اس کا مطلب یہ ہے کہ عید الاضحی کا پہلا دن سوموار 17 جون یا منگل 18 جون ہوگا۔ تاہم پاکستان میں عید الاضحی ٰ کی تاریخ کا حتمی اعلان مرکزی رویت ہلال کمیٹی چاند نظر آنے کے بعد کرے گی۔
یہ بھی پڑھیں: لاپتا شاعر احمد فرہاد کی گرفتاری ظاہر کر دی گئی
قبل ازیں ماہرین فلکیات نے عیدالاضحٰی کی تاریخ سے متعلق پیشن گوئی بھی کر دی ہے۔ ماہرین فلکیات کے مطابق پاکستان میں عیدالاضحٰی17 جون کو ہوگی۔بتایا گیا ہے کہ ذی القعدہ کا مہینہ اگر 29 دنوں پر مشتمل ہوا تو ماہ ذوالحجہ 1445 ہجری کا آغاز 8 جون کو ہوگا اس طرح عیدالاضحیٰ 17 جون بروز پیر کو منائی جائے گی۔
اور اگر ذی القعدہ کا مہینہ 30 ایام کا ہوا توماہ ذوالحجہ 1445 ہجری کا آغاز 9 جون کو ہوگا اس طرح عیدالاضحیٰ 18 جون بروز منگل کو ہوگی۔تاہم ماہرین فلکیات کے مطابق قوی امکان ہے کہ پاکستان میں عیدالاضحیٰ 17 جون کو ہی ہوگی۔دوسری جانب مصر میں نیشنل انسٹی ٹیوٹ فار ایسٹرانومیکل اینڈ جیو فزیکل ریسرچ کے سربراہ نے کہا ہے کہ رواں ہجری سال 1445 میں فلکیاتی اعتبار سے ذوالقعدہ کے دن 29 ہوں گے۔العربیہ کے مطابق طہ رابح نے ذو القعدہ کے مہینے کا چاند 8 مئی بدھ کو 29 شوال کو قاہرہ کے مقامی وقت کے مطابق صبح 5 بج کر 23 منٹ پر پیدا ہوا۔
یہ بھی پڑھیں: لوڈ شیڈنگ سے پریشان صارفین کے لیے بڑا ریلیف
اس دن نیا ہلال غروب آفتاب کے بعد 31 منٹ تک مکہ میں اور قاہرہ میں 38 منٹ تک موجود رہا۔عرب جمہوریہ مصر کے باقی گورنریٹس میں نیا ہلال 32 سے 40 منٹ تک آسمان پر موجود رہا۔ عرب اور اسلامی دارالحکومتوں اور شہروں میں نیا ہلال اس دن غروب آفتاب کے بعد 8 سے 48 منٹ تک رہا۔ فلکیات کے ادارے کے بیان میں کہا گیا ہے کہ ماہ ذوالحجہ 1445 ہجری کا آغاز فلکیات کے لحاظ سے جمعہ 7 جون 2024 کو ہوگا۔ فلکیات کے انسٹی ٹیوٹ کے بیان میں بتایا گیا ہے کہ سال 1445 ہجری کے لیے یوم عرفات 15 جون اور عید الاضحی 16 جون کو ہوگی۔
