By بالی وڈ کے سپر اسٹار دلجیت دو سانجھ کو کینیڈا اور امریکہ میں اپنی شاندار پرفارمنس کی بے پناہ پذیرائی مل رہی ہے۔ ان پر الزامات ہیں کہ وہ اپنے بیک گراؤنڈ ڈانسرز نہیں دے رہے۔
تفصیلات کے مطابق بھارتی میڈیا کی رپورٹ کے مطابق ان کے جاری ’’دل لومیناتی ٹور‘‘ کے خلاف کچھ الزامات سامنے آئے ہیں کہ ان کے بیک گراؤنڈ ڈانسرز کو معاو ضہ نہیں دیا جا رہا ۔لاس اینجلس سے تعلق رکھنے والے تاجر شخصیت اور ڈانس انسٹیٹیوٹ کے مالک رجت بٹا نے سوشل میڈیا پر دلجیت کی کامیابیوں کو سرا ہا ، تاہم ان کی طرف سے ڈانسرز کے ساتھ مبینہ بدسلوکی پر مایوسی کا اظہار کیا گیا۔
یہ بھی پڑھیں:نامور خواجہ سراء رمل علی مریم نواز سے ملاقات کی خواہش مند
رجت نے انسٹاگرام پر دلجیت کو ٹیگ کرتے ہوئے لکھا کہ دلجیت کے ٹور میں تمام دیسی ڈانسروں کو معاوضہ نہیں دیا گیا تھا اور صرف مفت میں پرفارم کرنے کی امید کی گئی تھی۔ دوسری جانب الزامات کے جواب میں متعدد ڈانسرز نے دلجیت دوسانجھ کے ساتھ رقص کو ایک انمول موقع قرار دیا ہے اور اس کو اپنے لئے فخر قرار دیا ہے۔
انہوں نے کہا کہ ہمیں اپنی شرکت پر فخر ہے اور دلجیت نے پنجابی برادری کے لئے نئی راہیں کھولی ہیں۔ ہمارے رشتے کو توڑنے کی کوشش نہ کریں ۔ ہم متحد ہیں۔ اس پوسٹ پر ’’تمام بھنگڑا ٹیموں اور کپتانوں ’’کے دستخط تھے۔
