By بنگلہ دیش میں طلبا کے شدید احتجاج اور سپریم کورٹ کے گھیرائو کے بعد چیف جسٹس عبیدالحسن نے اپنے عہد ے سے استعفیٰ دیدیا۔
تفصیلات کے مطابق ڈھاکہ میں سینکڑوں مظاہرین نے سپریم کرٹ کے گھیرائو کر لیا تھا اورچیف جسٹس عبیدالحسن کو ایک گھنٹے میں استعفیٰ دینے کاالٹی میٹم دیا تھا۔ مظاہرین نے استعفیٰ نہ دینے کی صورت میں ججوں کی رہائشگاہوں پر دھاوا بولنے کا اعلان کیا تھا جس کے بعد اب اطلاعات ہیں کہ چیف جسٹس بنگلہ دیش اپنے عہدے سے مستعفی ہوگئے ہیں۔
مزید پڑھیں: حکومتِ پاکستان اور عوام کی جانب سے بنگلہ دیش کے لوگوں کیساتھ اظہارِ یکجہتی
عبوری حکومت کے مشیر قانون اور پارلیمانی افئیرز پروفیسر آصف نذرل نے چیف جسٹس کی جانب سے استعفیٰ دینے کی تصدیق بھی کر دی ہے۔ میڈیا کے مطابق چیف جسٹس عبیدالحسن نے دونوں ڈویژن کے ججز کیساتھ فل کورٹ میٹنگ طلب کی تھی۔
احتجاجی طلبا نے فل کورٹ میٹنگ بلانے کو بغاوت کہا اور ہائیکورٹ کے محاصرہ کا اعلان کیا۔ طلبا کے احتجا نے باعث چیف جسٹس عبید الحسن نے اجلاس ملتوی کیا اوراستعفیٰ دینے کا فیصلہ کرلیا۔
بلوم برگ کی رپورٹ میں بتایا گیا ہے کہ بنگلہ دیش بینک کے گورنر عبدالرئوف نے گزشتہ روز اپنے عہدے سے استعفیٰ دیدیا۔ رپورٹ کے مطابق عبدالرئوف نے استعفیٰ ذاتی وجوہات کی بنیاد پر دیا ۔
