سوزوکی کلٹس خریدنے والے فائلرز اور نان فائلرز پر اضافی ٹیکس کی تفصیلات آگئیں

سوزوکی کلٹس1ہزار سی سی کیٹیگری میں ایک مقبول گاڑی ہے جوکہ اپنی پچھلی جنریشن کی طرح مشہور نہیں رہی لیکن پھر بھی پکانٹو اور ویگن آر کے مقابلے میں بہتر فروخت کے اعداد و شمار پیش کرتی ہے۔

یہ گاڑی خاص طور پر شہری علاقوں میں روزانہ کے سفر کے لیے بہترین انتخاب ثابت ہوئی ہےکیونکہ اس کا کمپیکٹ ڈیزائن اسے مصروف راستوں پر چلانے اور پارک کرنے میں آسانی فراہم کرتا ہے۔

مزید پڑھیں: انڈس موٹرز کا گاڑیوں کی قیمت میں 9 لاکھ روپے تک کی کمی کا اعلان

کلٹس کی ایندھن کی بچت، ہموار ڈرائیونگ کا تجربہ، کم دیکھ بھال کے اخراجاتاور قابل اعتماد ہونے کی خصوصیات نے اسے شہر میں ایک عملی آپشن بنا دیا ہے۔

پاکستان میںسوزوکی کلٹس کی قیمتوں میں حالیہ تبدیلیوں نے اسے مزید دلچسپ بنا دیا ہے۔ کلٹس VXR کی قیمت 38,58,000 روپے ہے، جس پر فائلرز کو اضافی 38,580 روپے اور نان فائلرز کو 1,15,740 روپے کا ٹیکس دینا ہوگا۔

کلٹس کے ٹاپ ماڈل VXL-AGS کی قیمت 45,46,000 روپے ہے جس میں فائلرز کے لیے اضافی 45,460 روپے اور نان فائلرز کے لیے 1,36,380 روپے کا ٹیکس شامل ہے۔

کلٹس کی مقبولیت کی ایک وجہ یہ بھی ہے کہ لوگ اسے ذاتی استعمال کے ساتھ ساتھ اوبر اور کریم جیسی خدمات میں کیب کے طور پر بھی استعمال کرتے ہیں۔