عمران خان کی رہائی: عاطف خان کا ڈی چوک جانے کا اعلان

پاکستان تحریک انصاف (پی ٹی آئی) کے رکن قومی اسمبلی عاطف خان نے ڈی چوک جانے کا اعلان کیا ہے۔

پشاور میں اراکین قومی اسمبلی کے ہمراہ پریس کانفرنس کرتے ہوئے انہوں نے کہا کہ پی ٹی آئی کارکنان کا ان پر شدید دباؤ ہے، اور وہ بانی پی ٹی آئی اور دیگر کارکنان کی رہائی کے لیے مزید کوششیں کریں گے۔

یہ بھی پڑھیں: لانگ مارچ توڑ پھوڑ کیس: عمران خان اور دیگر کو بری کر دیا گیا

عاطف خان نے بتایا کہ وہ پشاور سے لوگوں کو جمع کرکے صوابی انٹرچینج سے ڈی چوک جائیں گے۔ شاندانہ گلزار نے کہا کہ بانی پی ٹی آئی اور ان کی بہنوں کی ملاقات پر پابندی عائد ہے، اور ہمارے رہنماؤں کے اہل خانہ کو اٹھایا جا رہا ہے۔ انہوں نے آئینی ترامیم کو غیرمنصفانہ طریقے سے لائے جانے پر تنقید کی۔

فضل الہٰی اور معظم بٹ نے بھی کہا کہ بانی پی ٹی آئی کی رہائی کے لیے ان کی جدوجہد جاری رہے گی، اور انہوں نے اسے غیرآئینی قرار دیتے ہوئے ان کی فوری رہائی کا مطالبہ کیا۔