By چیف جسٹس پاکستان جسٹس قاضی فائز عیسیٰ کے اعزاز میں سپریم کورٹ بار اور پاکستان بار کونسل نے عشائیہ دیا ۔
تفصیلات کے مطابق قاضی فائز کو دئیے گئے عشائیہ میں نامزد چیف جسٹس یحییٰ آفریدی سمیت سپریم کورٹ کے ججز شریک ہوئے ۔ عشائیہ میں تمام ہائی کورٹس کے چیف جسٹس صاحبان بھی شریک تھے۔
یہ بھی پڑھیں:نامزد چیف جسٹس یحییٰ آفریدی نے آئینی بنچ کے لیے نئی پالیسی دیدی
چیف جسٹس پاکستان قاضی فائز عیسیٰ کے اعزاز میں د ئیے گئے عشائیہ کی تقریب میں جسٹس مسرت ہلالی بھی شریک ہوئیں ، عشائیہ میں جسٹس نعیم افغان ، جسٹس جمال مندوخیل جسٹس امین الدین خان شریک تھے ۔
جسٹس عقیل عباسی ، جسٹس محمد علی مظہر ، جسٹس شاہد بلال حسن شریک تھے ۔ جسٹس عرفان سعادت خان بھی شریک تھے ۔ چیف جسٹس لاہور ہائی جسٹس عالیہ نیلم ، اسلام آباد ہائی کورٹ اور لاہور ہائی کورٹ کے ججز کی بھی عشائیہ میں شرکت کی ۔
ان کے علاوہ جسٹس منیب اختر جسٹس اطہر من اللہ، جسٹس عائشہ ملک اور جسٹس شاہد وحید عشائیہ میں شریک نہیں ہوئے ۔ جسٹس منصور علی شاہ عمرہ کی ادائیگی کے لیےبیرون ملک ہیں ۔
یہ بھی پڑھیں:خیبر پختونخوا، اساتذہ کا 26 ہزار سرکاری تعلیمی اداروں کو تالے لگانے کی دھمکی
تقریب میں تمام ہائیکورٹس کے چیف جسٹس صاحبان، پاکستان بار کونسل کے وائس چیئرمین فاروق ایچ نائیک، صدر سپریم کورٹ بار ایسوسی ایشن شہزاد شوکت، اٹارنی جنرل منصور عثمان اعوان کے علاوہ سینئر وکلاء نے بھی شرکت کی۔
