پاکستان سٹاک مارکیٹ نئی بلند ترین سطح پر پہنچ گئی

پاکستان سٹاک مارکیٹ میں آج ایک اور تاریخ رقم ہوئی جب 100 انڈیکس نے ملکی تاریخ کی نئی بلند ترین سطح کو چھو لیا۔

کاروباری ہفتے کے تیسرے روز پاکستان سٹاک ایکسچینج میں مثبت رجحان دیکھنے کو ملا اور ایک موقع پر 100 انڈیکس میں 600 سے زائد پوائنٹس کا اضافہ ہوا، جس کے نتیجے میں انڈیکس 96,712 پوائنٹس کی بلند ترین سطح پر پہنچ گیا۔

مزید پڑھیں: وفاقی وزیر توانائی نے آئندہ چند ماہ میں بجلی کی قیمتوں میں کمی کی خوشخبری سنادی

اس سے پہلےگزشتہ روز پاکستان سٹاک مارکیٹ میں 100 انڈیکس نے 96,036 پوائنٹس کی نئی بلند ترین سطح قائم کی تھی۔کاروباری ہفتے کے دوسرے روز بھی پاکستان سٹاک ایکسچینج میں کاروبار کا آغاز مثبت زون میں ہوا اور 100 انڈیکس 860 پوائنٹس کے اضافے سے 95,856 پوائنٹس پر بند ہوا تھا۔

پیر کے روز کاروبار کے اختتام پر 100 انڈیکس 94,995 پوائنٹس پر بند ہوا تھا اور سٹاک مارکیٹ میں 19 ارب 37 کروڑ 58 لاکھ 54 ہزار 288 روپے مالیت کے 37 کروڑ 78 لاکھ 88 ہزار 671 شیئرز کا لین دین ہوا تھا۔