3 دن کیلئے پنجاب بھر میں دفعہ 144نافذ کردی گئی

پنجاب حکومت نے 3 دن کے لئے صوبہ بھر میں دفعہ 144نافذ کردی ۔

تفصیلات کے مطابق نجی ٹی وی نے اپنی رپورٹ میں بتایا ہے کہ محکمہ داخلہ پنجاب نے صوبہ بھر میں دفعہ 144 کے نفاذ کے لیےنوٹیفکیشن بھی جاری کر دیا ہے، جس کے مطابق پنجاب میں ہر قسم کے احتجاج، جلسے، جلسوس، ریلیوں اور دھرنوں پر تین روز کیلئے پابندی لگادی گئی ہے۔

یہ بھی پڑھیں:سعودی عرب کو سیاسی مفادات کیلئے نشانہ بنانا افسوسناک ہے، اسحاق ڈار

 پنجاب کابینہ نے صوبے میں3 دن کیلئے دفعہ 144 کے نفاذ کے لئے پابندی کا اطلاق آج سے 25 نومبر تک ہو گا۔ نوٹیفکیشن میں کابینہ کمیٹی برائے امن و امان کےاجلاس میں دفعہ 144 کے نفاذ کی سفارش کی گئی تھی۔

یہ بھی پڑھیں:عمران خان کی اہلیہ بشریٰ بی بی کے بیان پر جنرل (ر) قمر جاوید باجوہ کا ردعمل بھی آ گیا

دفعہ 144 کے نفاذ کا فیصلہ صوبے بھر میں امن و امان کے قیام، انسانی جانوں اور املاک کے تحفظ کیلئے کیا گیا ،سکیورٹی خطرات کے پیش نظر کوئی بھی عوامی جلوس دہشت گردوں کے لیےسافٹ ٹارگٹ ہوسکتا ہے،شرپسند عناصر عوامی اجتماع کی آڑ میں ریاست مخالف سرگرمیوں سے اپنے مذموم مقاصد حاصل کر سکتے ہیں۔